काठमाडौं (हाम्रो खेलकुद) – रेडबुल राष्ट्रिय फुटसल लिग अन्तर्गत मंगलबारका खेलमा कौसलटारको इम्पेरियल फुटसल र पकनाजोलको कुमारी फुटसल विजयी भएका छन् ।
कौसलटारस्थित इम्पेरियल फुटसलले होम ग्राउन्डमा आदर्श फुटसललाई ६–५ ले हरायो । इम्पेरियलका लागि कृष्ण अधिकारीले ह्याट्रिक पूरा गरे भने सुमेरु थापाले २ र बालकृष्ण केसीले १ गोल गरे । आदर्श फुटसल नैकापका लागि समीर कार्की र डेनियल श्रेष्ठले २÷२ र उत्सव रानाले एक गोल फर्काए । इम्पेरियलका कृष्ण अधिकारी म्यान अफ दी म्याच भए ।

त्यसैगरी अर्को खेलमा पकनाजोलको कुमारी फुटसलल बीजी ब्रदर्श फुटसललाई ५–४ गोल अन्तरले हरायो । बीजी ब्रदर्शको होम ग्राउन्डमा कुमारीका अभिषेक रिजाल एक्लैले ५ गोल गरे । पराजित बीजीका आकाश लामाले २ गोल गरे भने प्रकाश थापा मगर र रवि तामाङले समान १ गोल गरे । ५ गोल गरेका कुमारीका अभिषेक म्यान अफ द म्याच चुनिए ।
लिगमा ५ खेलमा इम्पेरियलले ७ अंक जोडेको छ । आदर्शको १ अंकमा त्र छ । यी दुई सम्मिलित समूह बीमा १० अंकसहित शंखमुल फुटलस पहिलो र ताहाचल दोस्रो स्थानमा छ । समूह एमा ५ खेलेको किकअफ फुटसल १५ अंकसहित शीर्षस्थानमा छ । त्यस्तै बानेश्वर फुटसल रिक्रियसन सेन्टरले ५ खेलबाट १० अंक जोडेको छ । कुमारी १० अंक जोडेपछि गोलअन्तरमा तेस्रो स्थानमा छ ।
एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने लिगमा १६ क्लबको सहभागिता छ । प्रतियोगिताको विजेता टोलीले १० लाख र दोस्रो हुने टोलीले ५ लाख रुपैयाँ प्राप्त गर्नेछ ।
आजको खेल
हरिसिद्धि फुटसलविरुद्ध कीर्तिपुर फुटसल
समय – दिउँसो १२ः३० बजे
स्थान -हरिसिद्धि फुटसल, हरिसिद्धि
चउर रिक्रियसन सेन्टरविरुद्ध इम्पेरियल फुटसल
समय -दिउँसो ३ः३० बजे
स्थान – चउर रिक्रियसन सेन्टर, बाँसबारी