काठमाडौं (हाम्रो खेलकुद)– लनटेनिस खेलाडी अभिलाषा विष्ट एटिएफ एसियाली ¥याङकिङ प्रतियोगितामा भाग लिन शनिबार भारतको हैदरावाद गएकी छन् । सोमबार देखि नोभेम्बर १२ सम्म हुने प्रतियोगितामा अभिलाषाले यु–१४ उमेरसमूहमा सिंगल्स र डबल्समा प्रतिस्पर्धा गर्नेछिन् । डबल्समा अभिलाषाले प्रतियोगितामा सहभागी हुन अन्य विदेशी खेलाडीलाई जोडीका रुपमा छान्न पाउनेछिन् ।

प्रतियोगितामा नेपालसहित भारत, मलेसिया, पाकिस्तान र हङकङको सहभागिता रहने लनटेनिस संघले जनाएको छ । अभिलाषासंग यसअघि मलेसिया, थाइल्यान्ड, भारत र श्रीलंकामा विभिन्न अन्तर्राष्ट्रिय प्रतियोगिता खेलेको अनुभव छ ।
अभिलाषाले केहि महिनाअघि नेपालमै भएको केशा ग्रुप एएनएलटीए एसियन जुनियर यु–१४ ¥याङकिङ प्रतियोगिताकोसर्किट २ को सिंगल्समा रजत पदक जितेकी थिइन् । त्यस्तै उनले श्रीलंको कोलोम्बोमा अक्टोबरमा एसियन ¥याकिङ टेनिस प्रतियोगिताको सर्किट १ मा विदेशी खेलाडीसंग मिलेर डबल्समा स्वर्ण जितेको अभिलाषाका पिता एवं अखिल नेपाल लनटेनिस संघका सदस्य अजय विष्टले जानकारी दिए । विष्ट छोरीसँगै हैदरावाद गएका छन् ।
अभिलाषालाई लनटेनिस संघका केन्द्रीय उपाध्यक्ष केशवराज पाण्डेले सातदोबाटोस्थित टेनिस कम्प्लेक्समा विदाइ गरेका थिए ।