एजेन्सी – ब्राजिललाई हराउँदै अर्जेन्टिनाले टोकियो ओलम्पिक २०२० अन्तरगतको पुरुष भलिबलमा तेस्रो स्थान हासिल गरेको छ ।

ब्राजिलमाथि ३-२ को सेटमा जित हासिल गर्दै अर्जेन्टिनाले कास्यपदक हात पारेको हो । यससँगै अर्जेन्टिनाले समूह चरणमा भोगेको हारको बदला लिएको छ। समूह चरणमा अर्जेन्टिना ३-२ को सेटमा पराजित भएको थियो ।

एरिएक एरिनामा शनिबार भएको प्रतिस्पर्धात्मक र राेमाञ्चक खेलमा अर्जेन्टिनाले पहिलो सेट २५-२३ ले आफ्नो पक्षमा पारेको थियो । त्यसपछिको दुई सेट समान २०-२५ र २०-२५ ले गुमाएको अर्जेन्टिना ले चौथो सेट २५-१७ ले आफ्नो पक्षमा पार्दै खेललाई पाँचौ सेटमा लम्ब्याएको थियो ।

निर्णायक सेटमा १५-१३ ले जित्दै तेस्रो स्थान हासिल गर्न सफल भयो । अर्जेन्टिनाले स्पाइकबाट ५८, ब्लकबाट १७ र सर्भिसबाट २ स्कोर मात्रै गर्यो । विपक्षीको गल्तीबाट २८ अंक जोड्यो । कोेन्टेले २१ तथा लोसर अगस्टिनले १४ अंक जोड्यो ।

ब्राजिलले स्पाइकबाट ५६, ब्लकबाट १० तथा सर्भिसबाट ४ स्कोर गरे । विपक्षीको गल्तीबाट ३३ अंक पाएको थियो । वालेसले १७ तथा लुकासले १४ अंक जोडेपनि हार टार्न सकेन ।

आजै स्वर्णका लागि रसियन ओलम्पिक कमिटि (आरओसी) र अमेरिकाबीच साँझ ६ बजे प्रतिस्पर्धा हुदैछ ।