3 years ago
August 4, 2021
एजेन्सी – उपाधि दावेदार रसियन ओलम्पिक कमिटि (आरओसी) को चुनौती पन्छाउँदै ब्राजिल टोकियो ओलम्पिक २०२० अन्तरगतको महिला भलिबलतर्फ सेमिफाइनलमा प्रवेश गरेको छ ।
ब्राजिलले सुरुवाती सेट गुमाएपनि त्यसपछिको तीनै सेट आफ्नो पक्षमा पार्दै अन्तिम चारमा स्थान पक्का गरेको हो । एरिएक एरिनामा बुधबार भएको खेलको पहिलो सेट ब्राजिलले २३–२५ ले गुमाएको थियो ।
दोस्रो सेट २५–२१ ले जित्दै खेलमा फर्किएको ब्राजिलले तेस्रो सेट पनि २५–१९ ले सहजै आफ्नो पक्षमा पार्दै जिततर्फ अग्रसर बनेको थियो । चौथो सेट पनि २५–२२ ले आफ्नो पक्षमा पार्दै ब्राजिल विजयी हुन सफल भयो ।
ब्राजिलको जितमा गावीले १८ तथा कारोल गटाजले १६ अंकको योगदान दिइन् । ब्राजिलले स्पाइकबाट ५९, ब्लकबाट १६ र सर्भिसबाट ६ अंक जोड्दा विपक्षीको गल्तीबाट १७ अंक पाएको थियो ।
आरओसीकी फेडोरोभसेवाले २० तथा भोरोन्कोभाले १८ अंकको योगदान दिएपनि हार टार्न सकिनन् । आरओसीले स्पाइकबाट ५५, ब्लकबाट १५ र सर्भिसबाट २ अंक जोड्दा विपक्षीको गल्तीबाट १५ अंक पाएको थियो ।
अब ब्राजिलले फाइनल प्रवेशका लागि दक्षिण कोरियाको सामना गर्नेछ । बुधबारै दक्षिण कोरियाले टर्कीमाथि ३–२ को सेटमा रोमाञ्चक जित निकाल्दै अन्तिम चारको यात्रा तय गरेको छ । कोरियाले टर्कीमाथि १७–२५, २५–१७, २८–२६, १८–२५ र १५–१३ ले आफ्नो पक्षमा पार्दै अन्तिम चारमा पुग्न सफल भएको थियो ।
अर्काे खेलमा सर्वियाले बुधबारै बलियो इटालीलाई ३–० को सोझो सेटमा स्तब्ध पार्दै सेमिफाइनलमा स्थान बनाउदै अमेरिकासँगको भेट पक्का गरेको छ । सर्वियाले इटालीमाथि २५–२१, २५–१४ र २५–२१ को सोझो सेटमा पराजित गरेको छ ।
अमेरिकाले डोमिनिकन रिपब्लिकलाई २५–११, २५–२० र २५–१९ को सोझो सेटमा हराउँदै अन्तिमा चारमा स्थान पक्का गरेको छ ।सेमिफाइनलका खेलहरु शुक्रबार ६ अगस्टमा हुनेछ । फाइनल र तेस्रो स्थानको लागि आइतबार ८ अगस्टमा प्रतिस्पर्धा हुनेछ ।
October 24, 2024
काठमाडौं (हाम्रो खेलकुद)- नेपाली युवा फुटबल टोली एएफसी यु १७ एसिया कप छनोटको आफ्नो पहिलो खेलमा फराकिलो अन्तरमा पराजित भएको छ। कतारको दोहामा बुधवार भएको खेलमा नेपाललाई जापानले ९-२ ले हराएको छ। नेपालका लागि सविनकुमार मगर र विज्ञान खड्काले गोल गरे । जापानका लागि दाइची तानीले ४ गोल, हिरोतो असादाले ३ तथा मिबुकी कासाई र […]
October 22, 2024
काठमाडौं (हाम्रो खेलकुद )- नेपाली उसु खेलाडीले जापानको टोकियोमा हुने तेस्रो थाउँलो वर्ल्डकप २०२४ भाग लिने भएका छन् । टोकियोस्थित योकोहा शहरमा वर्ल्ड कप कात्तिक ७ देखि १२ गते सम्म हुने बताइएको छ। दीपक हमाल, विजय सिंजाली, निमा घर्ती मगर, पासाङ शेर्पा र राजिव तामाङले वर्ल्ड कपमा भाग लिने बताइएको छ। नेपाल उसु महासंघका महासचिव […]
October 7, 2024
दिल तामाङ ,सिड्नी नेपाली महिला राष्ट्रिय भलिबल खेलाडी प्रतिभा माली र पुरुष राष्ट्रिय टोलीका सदस्य रहिसकेका राजेन्द्र विष्ट अस्ट्रेलियाको सिड्नीमा भएको पाँचौं महिला र पुरुष ढोरपाटन रनिङ कप भलिबल २०२४ मा सर्वाेत्कृष्ट खेलाडी घोषित भएका छन् । प्रतिभा र राजेन्द्रले आ–आफ्नो टोलीलाई च्याम्पियन बनाउन सानदार प्रदर्शन गरे। प्रतिभाले म्याग्दी काली युनाइटेड र राजेन्द्रल ढोरपाटन क्लबबाट […]