मेरी कोम बाहिरिइन्

एजेन्सी – भारतीय महिला भेट्रान मुक्केबाज (बक्सर) मेरी कोम टोकियो ओलम्पिक २०२० को प्रि–क्वाटरफाइनलबाट बाहिरिएकी छिन् ।

बिहीबार महिलाको फ्लाईवेट ४८–५१ केजी तौल समूहमा कोलम्बियाकी खेलाडी इन्ग्रिट भ्यालेन्सियासँग ३–२ को अंकमा पराजित हुँदै कोम टोकियो ओलम्पिकको राउन्ड अफ १६ बाटै बाहिरिएकी हुन् ।

पहिलो राउन्डमै ४–१ ले पछि परेको मेरी कोमले दोस्रो र तेस्रो राउन्डमा समान १ अंक जोडेपनि जितको लागि पर्याप्त बनेन ।

यससँगै ६ पटक विश्व च्याम्पियनसिप २८ वर्षीय मेरी कोमको ओलम्पिकमा दोस्रो पदक जित्ने सपना सकिएको छ । मेरी कोमले २०१२ को लन्डन ओलम्पिकमा कास्यपदक जितेकी थिइन् । कोमले एसियन गेम्समा समेत स्वर्ण जितेकी छिन् ।

मेरी कोमले राउन्ड अफ ३२ मा डोमिनिकन रिपब्लिककी मिगुइलिना गार्सिया हर्नान्डेजलाई ४–१ को अंकमा पराजित गरेकी थिइन् ।