काठमाडौं (हाम्रो खेलकुद) – दक्षिण एसियाली स्तरको खेलकुदको कुम्भमेलाको १४औं संस्करण पाकिस्तानमा दुई वर्षपछि हुने भएको छ ।

साउथ एसियन ओलम्पिक काउन्सिलको सोमबार बसेको भर्चुअल बैठकले १४औं साग सन् २०२३ मार्चमा पाकिस्तानमा गर्ने निर्णय गरेको हो । सागमा २५ खेल र दुई आयोजकले गरी २७ खेल समावेश हुनेछन् । मुख्य खेलहरु पाकिस्तानको लाहोरमा हुनेछ । फैसलावाद, गुजरनवाला, इस्लामावाद र सिलाकोटमा पनि हुनेछ ।

यस्तै बैठकले सागको आयोजना हुने खेल स्थल निरिक्षण गर्न साउथ एसियन ओलम्पिक काउन्सिलका ओलम्पिक कमिटिलाई सन् २०२१ मा निमन्त्रण गरिएको छ ।

भर्चुअल बैठकमा पाकिस्तान ओलम्पिक कमिटिका तथा (दक्षिण एसियाली ओलम्पिक काउन्सिल) का स्वत अध्यक्ष सायद एरिफ हसनको अध्यक्षतामा बसेको बैठकमा नेपालको तर्फबाट नेपाल ओलम्पिक कमिटिका महासचिव निलेन्द्रराज श्रेष्ठसँगै भारत, बंगलादेश, श्रीलंका, माल्दिभ्स तथा भुटान ओलम्पिक कमिटिका अध्यक्ष तथा महासचिवहरुको उपस्थिति रहेको थियो ।

पाकिस्तानले दुई वर्ष अघि नै सन् २०२१ मा आयोजना गर्ने गरी नेपालबाट साग आयोजना अधिकारको झन्डा लगेको थियो । त्यसपछि विश्वव्यापी रुपमा कोरोना भाइरसको महामारी बढेसँगै साग पनि मिति तय नहुदै अनिश्चित बनेको थियो । तालिका अनुसार हरेक दुई वर्षमा साग आयोजना हुनुपर्नेछ ।

नेपालले घरेलु भुमिमा दुई वर्षअघि आयोजना आयोजना भएको १३औं सागमा ऐतिहासिक पदक जित्दै दोस्रो स्थान हासिल गरेको थियो । नेपालले ५१ स्वर्ण, ९६ रजत र ९७ कास्य गरी २०७ पदक जितेको थियो ।

यो पनि

१४औं साग पाकिस्तानमा, ६ महिनामा पछि मिति तय हुने

पाकिस्तानमा भेट्ने वाचासहित सकियो साग