4 years ago
June 21, 2021
काठमाडौं (हाम्रो खेलकुद) – आगामी भदौ दोस्रो सातादेखि फिलिपिन्समा आयोजना हुने एसियन सिनियर महिला भलिबल च्याम्पियनसिपको लागि तयारी गरिरहेको महिला भलिबल टोलीलाई एनभिए लिग च्याम्पियन हेल्प नेपाल स्पोर्ट्स क्लबको सक्रियतामा स्वास्थ्य सामग्री सहयोग गरेको छ ।
हेल्प नेपालले महिला भलिबल टोलीको प्रशिक्षण शुरु हुनुभन्दा अघिदेखि प्रशिक्षणमा आवश्यक पर्ने स्वास्थ्य सामग्रीहरु सहयोग गरिएको क्लबका अध्यक्ष वासु श्रेष्ठले जानकारी गराए । उनले नेपाल भलिबल संघले १ असार देखि प्रशिक्षण गर्नका लागि त्रिपुरेश्वरस्थित राष्ट्रिय खेलकुद परिषद (राखेप) को कभर्डहल सरसफाई थालेको दिनदेखि नै सहयोग गर्न थालिएको बताए ।
स्वास्थ्य सामग्रीमा मास्क, स्यानिटाइजर, फेस शिल्ड र थर्मल गन लगायत रहेका छन् । क्लबले आइतबार मात्रै झन्डै ४२ हजार बराबरको ४० थान स्पोर्ट्स वाटर बोटल र १२० पिस डिटोल साबुन सहयोग गरिएको क्लबका अध्यक्ष श्रेष्ठले जानकारी गराए । उनले सबै सामग्रीमा झन्डै १ लाख बराबरको स्वास्थ्य सामग्री सहयोग गरिएको बताए ।
क्लबका महासचिव अरुण कुमार श्रेष्ठले हेल्प नेपालको सक्रियतामा बालाजी ट्रेडिङ प्रालि (बाल्ट्रा ब्राण्ड) को आधिकारिक बिक्रेताको सहयोगमा उक्त स्वास्थ्य सामग्रीसँगै अन्य सामानहरु पनि सहयोग गरिएको बताए । महासचिव श्रेष्ठले समय सापेक्ष विषम परिस्थितिमा सहजीकरण गर्ने प्रयास गरेको र एसियन च्याम्पियनसिप सम्मै आवश्यकता अनुसार विभिन्न सहयोग गर्दै जाने बताएका छन् ।
यसअघि क्लबले गत चैतमा काठमाडौंमा सम्पन्न पाँचौ संस्करणको आरबीबी एनभिए कप राष्ट्रिय महिला तथा पुरुष क्लब लिग भलिबलमा बुलबुले रारा भलिबल क्लबबाट खेल्न आएका तीन पाकिस्तानी खेलाडीलाई स्वदेश फर्काउन ठुलो भुमिका खेलेको थियो ।
उनीहरुले प्रतियोगिता सकिएको झन्डै दुई साता पुग्न लाग्दा पाउनुपर्ने रकम नपाएपछि उनीहरु स्वदेश फर्कन पाएका थिएनन् । एनभिएको पहलमा टिपटप हेल्प नेपालले तीन खेलाडीको झन्डै ३ लाख बराबरको टिकट प्रायोजन गर्दै स्वदेश फिर्ता पठाएको थियो ।
एसियन सिनियर महिला भलिबल च्याम्पियनसिप १३ देखि १९ भदौंसम्म हुने तालिका छ । च्याम्पियनसिपमा १२ टोलीको सहभागिता रहेको छ । अन्तिम समयमा यसअघि आयोजकसमेत रहेका चीनसहित पाँच राष्ट्रले आफ्नो नाम फिर्ता लिएका थिए ।
नेपाली टोलीले १ असारबाट स्वास्थ्य मापदण्ड अपनाई प्रशिक्षण शुरु गरिसकेको छ । बन्द प्रशिक्षणमा २७ खेलाडी उपस्थित रहेका छन् । बन्द प्रशिक्षणमा डाकिएका नेपाल प्रहरीमा रहेका तीन खेलाडीलाई पुलिसले प्रशिक्षणमा पठाएको छैन ।
January 18, 2025
सुकुटे/सिन्धुपाल्चोक (हाम्रो खेलकुद)- नेपाल पुलिस क्लबका चन्द्र कुवँर र सफल विकको जोडीआठौं राष्ट्रिय बिच भलिबल प्रतियोगिताको च्याम्पियन बनेको छ। एपिएफका बलिराम चौधरी र रमेश विकको जोडीलाई शनिवार २-१ सेटमा हराउँदै पुलिसको जोडीले उपाधि जितेको हो । सिन्धुपाल्चोकको चौतारा सागाँ चोकगढी नगरपालिकाको सुकुटेस्थित भोटेकोशी बिच रिसोर्ट चन्द्र र सफलको जोडी १८-२१,२१-१४, १५-८ ले विजयी भएको हो […]
January 17, 2025
काठमाडौं(हाम्रो खेलकुद) – एन्फा यु १६ लिगमा आज भएको खेलमा चर्च ब्वाइज युनाइटेड र एपिएफ क्लब विजयी भएका छन् । सातदोबाटोस्थित एन्फा कम्प्लेक्समा शुक्रवार भएको पहिलो खेलमा चर्च ब्वाइजले हिमालयन शेर्पा क्लबलाई ४-१ ले हराएको हो। दोस्रो खेलमा एपिएफले एफसी खुमलटारलाई ३-० ले पराजित गरेको हो ।
January 16, 2025
काठमाडौं (हाम्रो खेलकुद)- कर्णालीमा चैतमा हुने भनिएको दसौं राष्ट्रिय खेलकुदको लोगो र मस्कट पारित भएको छ। राष्ट्रिय खेलकुद परिषद् (राखेप) का अध्यक्ष युवा तथा खेलकुद मन्त्री तेजुलाल चौधरीको अध्यक्षतामा बिहीवार बसेको १ सय १९ औं बोर्डले दसौं राष्ट्रिय खेलकुदको लोगो र मस्कट पारित गरेको राखेपले जनाएको छ। सिहंदरबारस्थित खेलकुद मन्त्रालयमा बसेको बैठकले लोगो र मस्कट […]
