‘ए’ डिभिजन फुटसल लिग स्थगित

काठमाडौं (हाम्रो खेलकुद) – अखिल नेपाल फुटबल संघ (एन्फा) को आयोजनामा हुने तया भएको ‘ए’ डिभिजन राष्ट्रिय फुटसल लिग अनिश्चित कालका लागि स्थगित भएको छ ।

एन्फाले विज्ञप्ती जारी गर्दै १ देखि २२ जेठसम्म पोखराको बहुउद्देशीय कभर्डहलमा हुन लागेको ‘ए’ डिभिजन फुटसल लिग अनिश्चित समयका लागि स्थगित भएको जनाएको छ ।

१० टिमको सहभागिता हुने भनिएको प्रतियोगिता कोभिड–१९ को दोस्रो भेरियन्टको बढ्दो संक्रमणका कारण र विभिन्न स्थानमा भएको निशेत्राज्ञाका कारण अन्तिम समयमा आएर स्थगित गर्नुपरेको एन्फाले जनाएको छ ।

प्रतियोगिता लागि एन्फाले सातै प्रदेशमामा छनोट खेल आयोजना गरि १० टोली छनोट गरिसकेको थियो । लिगको तयारी पनि असन्ता चरणमा पु¥याएको थियो ।

प्रतियोगिताको विजेताले १० लाख रुपैयाँ पाउनेछ भने उपविजेताले ५ लाख रुपैयाँ पाउनेछ । यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको थियो । एन्फाले यस प्रतियोगिताबाट नेपालको राष्ट्रिय फुटसल टोली चयन गर्ने समेत जनाएको थियो ।