एजेन्सी – श्रीलंका स्टार अलराउन्डर थिसारा परेराले अन्तर्राष्ट्रिय क्रिकेटबाट सन्न्यास लिएका छन् । ३२ वर्षिय श्रीलंका विश्वकप विजेता अलराउन्डर परेराले सोमवार अप्रत्याशित रुपमा सन्न्यासको घोषणा गरेका छन् ।

सन् २०१४ मा श्रीलंकाले टि२० विश्वकप उपाधि जित्दा थिसारा परेरा टोलीका प्रमुख सदस्य थिए । तीव्र गतिमा बलिङ गर्ने परेराले तल्लोक्रममा राम्रो ब्याटिङको क्षमता राख्छन् । ओडिआई र टि२० आई क्रिकेट दुबैमा ह्याट्रिक लिएका छन् । परेराले श्रीलंकाबाट ६ टेष्ट, १ सय ६६ ओडिआई र ८४ टि२० आई खेल खेलेका छन् ।

परेराले सन् २००९ मा कोलकातामा भारतविरुद्ध ओडिआईमा डेब्यू गरेका थिए । परेराले ओडिआई १ सय ७५ विकेट लिदा कुल २ हजार ३ सय ३८ रन बनाएका छन् । बलिङमा उत्कृष्ट प्रदर्शन ६–४४ र ब्याटिङमा १ सय ४० रन छ । परेराले अन्तिम ओडिआई गत मार्चमा वेस्टइन्डिजविरुद्ध खेलेका थिए । परेराले टि२० आईम डेब्यू २०१० मा जिम्बावेविरुद्ध गरेका थिए ।

टि२० आईमा परेराले ५१ विकेट लिदा ब्याटिङमा १ हजार २ सय ४ रन बनाएका छन् । पछिल्लो पटक परेराले टि२० मार्चमा वेस्टइन्डिजविरुद्ध खेलेका थिए । टि२०मा उत्कृष्ट प्रदर्शन ६१ रन र ३–२४ रन छ । टेष्टमा उनले डेब्यू २०११ मा इंग्ल्यान्डविरुद्ध गरेका थिए । टेष्टमा ११ विकेट लिदा २ सय ३ रन बनाएका छन् । उत्कृष्ट प्रदर्शन ७५ रन र ४–६३ छ ।

पाकिस्तानविरुद्ध २०१२ मा अन्तिम खेल खेलेका थिए । सन् २०११ मा श्रीलंका विश्वकप फाइनलमा पुग्दा परेरा पनि टोलीमा महत्वपूर्ण सदस्य थिए । सन् २०१७ मा थिसारा परेराले सिमित ओभरमा श्रीलंका कप्तानी समेत गरेका थिए ।

परेराले सन् २०१३ मा दक्षिण अफ्रिका बलर रोविन पिटरसनलाई एकै ओभरमा पाँच छक्का, एक चौका र वाइड सहित कुल ३५ रन जोडेका थिए । अघिल्लो महिनामात्र लिष्ट ए खेलमा परेराले एकै ओभरमा ६ छक्का प्रहार गरेका थिए ।