एजेन्सी – इन्डियन प्रिमियर लिग (आइपिएल) २०२१ को चौथो खेलमा आज पन्जाब किंग्सविरुद्ध राजस्थान रोयल्सले पहिला बलिङ गर्ने भएको छ । वानखडे स्टेडियम मुम्बईमा राजस्थानका कप्तान सञ्जु स्यामसनले टस जितेर पहिला बलिङ गर्ने निर्णय लिएका छन् ।

राजस्थानले बंगलादेशका तीव्र गतिका बलर मुस्ताफिजुर रहमान, भारतीय अलराउन्डर शिवम दुबे, मध्य गतिका चेतन सकारिया र मनान बोहरालाई डेब्यू गराएको छ । त्यस्तै पन्जाबबाट तीव्र गतिका बलर राइली मेरिडिथ, झेय रिचर्डसन र भारतीय फिनिसर ब्याट्सम्यान शाहरुख खानले डेब्यू गरेका छन् ।

राजस्थानले चार विदेशी खेलाडीमा बेन स्टोक्स, जस बटलर, क्रिस मोरिस र मुस्ताफिजुरलाई मौका दिएको छ । पन्जाबले चार विदेशी खेलाडीमा निकोलस पुरन, क्रिस गेल, राइली मेरिडिथ र झेय रिचर्डसनलाई मैदान उतारेको छ ।

आइपिएलमा यी दुई टोलीबीच २१ खेल भएको छ । जसमा रास्जस्थान १२ खेलमा विजयी हुँदा ९ खेलमा पराजित भएको छ । गत सिजनका दुबै खेलमा राजस्थान विजयी भएको थियो । गत सिजनको पहिलो खेलमा पञ्जाबले प्रस्तुत गरेको २ सय २४ रनको लक्ष्य राजस्थानले ३ बल अगाडिनै ६ विकेटको क्षतिमा पूरा गरेको थियो । दोस्रो खेलमा १ सय ८६ रनको लक्ष्य १५ बल अगाडिनै ३ विकेटको क्षतिमा पूरा गरेको थियो ।

पन्जाबको प्लेइङ ११ : लोकेश राहुल (कप्तान तथा विकेटकिपर), मयंक अग्रवाल, क्रिस गेल, निकोलस पुरन, दीपक हुडा, शाहरुख खान, झेय रिचर्डसन, मुरुगन आश्विन, राइली मेरिडिथ, मोहम्मद शामी र अक्षदीप सिंह ।

राजस्थानको प्लेइङ ११ : जस बटलर (विकेटकिपर), मनान बोहरा, बेन स्टोक्स, सञ्जु स्यामसन (कप्तान), रियान पराग, शिवम दुबे, राहुल टेवाटिया, क्रिस मोरिस, श्रेयस गोपाल, चेतन सकरिया र मुस्ताफिजुर रहमान ।