एजेन्सी – इन्डियन प्रिमियर लिग (आइपिएल) को १४ औं संस्करणको उद्धघाटन खेलमा रोयल च्यालेन्जर्स बेंगलोरले मुम्बई इन्डियन्सविरुद्ध पहिला बलिङ गर्ने भएको छ ।

एमए चिदम्बरम स्टेडियम चेन्नईमा बेंगलोरका कप्तान विराट कोहलीले टस जितेर पहिला बलिङ गर्ने निर्णय लिएका हुन् । मुम्बईले टोलीमा दक्षिण अफ्रिका २० वर्षिय देब्रे हाते तीव्र गतिका बलिङ अलराउन्डर मार्को जानसेन र अष्ट्रेलिया ओपनर क्रिस लिनलाई डेब्यू गराएको छ । मार्कोले पहिलो पटक आइपिएल खेल्दै छन् । लिनलाई गत वर्ष मुम्बईमा अनुबन्ध गरेपनि पुरै खेल बेन्चमा राखेको थियो । सन् २०१९ मा कोलकाता नाइट राइडर्सबाट आइपिएल खेलेका थिए । ६ फिट ८ इन्च अग्ला मार्कोले सन २०१८ मा भारत दक्षिण अफ्रिका भ्रमणमा रहेका बेला जानसनले विराट कोहलीलाई नेटमा तीन पटक आउट गरेका थिए । जानसन १३७ देखि १४१.३ प्रतिघण्टाको तीव्र गतिमा बलिङ गर्ने गर्दछन् ।

त्यस्तै बेंगलोरमा न्युजिल्यान्डका तीव्र गतिका बलर काइल जामिसन, अष्ट्रेलिया अलराउन्डर ग्लेन म्याक्सवेल, ड्यानियल क्रिष्टियन र भारतीय ब्याट्सम्यान रजत पाटीदार गरि कुल ४ खेलाडीले डेब्यू गरेका छन् । समग्रमा मुम्बई र बेंगलोरमा गरि पहिलो खेलमा ६ खेलाडीले डेब्यू गरेका छन् ।

गत सिजनमा मुम्बई च्याम्पियन बन्दा बेंगलोर प्ले अफबाट बाहिरिएको थियो । गतवर्ष दुई खेलमा एक खेलमा मुम्बई र एक खेलमा बेंगलोर विजयी भएको थियो । बेंगलोर सुपर ओभरमा विजयी भएको थियो । पछिल्ला पाँच खेलमा तीन खेलमा मुम्बई र दुई खेलमा बेंगलोर विजयी भएका छन् । आइपिएलमा यी दुई टोलीबीच कुल २७ खेल भएको छ । मुम्बई १७ खेलमा विजयी हुँदा १० खेलमा पराजित भएको छ । बेंगलोरले मुम्बईविरुद्ध हालसम्म बनाएको उच्च योगफल २ सय ३५ रन छ भने मुम्बईले बेंगलोरविरुद्ध सर्वाधिक २ सय १३ रन बनाएको छ ।

मुम्बईको प्लेइङ ११ : रोहित शर्मा (कप्तान), क्रिस लिन, सूर्यकुमार यादव, ईशान किशन (विकेटकिपर), हार्दिक पान्ड्या, काइरन पोलार्ड, क्रुनाल पान्ड्या, मार्को जानसेन, राहुल चहर, ट्रेन्ट बोल्ट र जस्प्रित बुमराह ।

बेंगलोरको प्लेइङ ११ : विराट कोहली (कप्तान), रजत पाटीदर, एवि डि भिलियर्स (विकेटकिपर), ग्लेन म्याक्सवेल, ड्यानियल क्रिष्टियन, वासिन्टन सुन्दर, काइल जामिसन, शहवाज नदिम, हर्षल पटेल, मोहम्मद सिराज र युजभेन्द्र चहल ।