काठमाडौं (हाम्रो खेलकुद) – नेपाली राष्ट्रिय क्रिकेट टोलीका खेलाडीले कोरोनाविरुद्ध पहिलो चरणको खोप लगाएका छन् । वैशाखमा घरेलु मैदान कीर्तिपुरमा मलेसिया र नेदरल्यान्ड्सबीच हुने त्रिकोणात्मक सिरिजमा बोलाइएका २० खेलाडी र फिजियो गरि २१ जनाले कोरोनाविरुद्ध बुधबार दिउँसो चावहिलमा रहेको ओम अस्पतालमा खोप लगाएका हुन् ।

आजदेखि नेपालले औपचारिक रुपमा मुलपानी क्रिकेट मैदानमा बन्द प्रशिक्षण पनि सुरु गरेको छ । फिजियो विक्रम न्यौपाने कोरोना खोप लगाएपनि मुख्य प्रशिक्षक देभ ह्वाटमोरले भने नलगाएको नेपाल क्रिकेट संघ (क्यान) ले जनाएको छ । प्रशिक्षक देभ ह्वाटमोरले यसअघि प्रदेश-१ मा जानेक्रममा पहिलो चरणको खोप लगाइ सकेको कारण खोप नलगाएको फिजियो विक्रम न्यौपानेले जानकारी दिए ।

वैशाख ४ देखि ११ सम्म टियु क्रिकेट मैदानमा नेपाल, मलेसिया र नेदरल्याड्सबीच टि२० त्रिकोणात्मक सिरिज हुँदै छ । डबल लिगको आधारमा शीर्ष दुई टोलीले फाइनल खेल्ने छन् । खेलको टिकट मूल्य १ सय ५० रुपैयाँ रहेको छ । खेलको प्रत्यक्ष प्रसारण हिमालयन टेलिभिजनले गर्ने छ ।

बन्द प्रशिक्षणमा बोलाइएका २० खेलाडी :

ज्ञानेन्द्र मल्ल, पारस खड्का, दीपेन्द्रसिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, आरिफ शेख, आसिफ शेख, कुशल भुर्तेल, कुशल मल्ल, लोकेश बम, कमलसिंह ऐरी, सुशन भारी, साहब आलम, सन्दीप जोरा, विक्रम शोब, पवन सर्राफ र ललित नारायण राजवंशी ।