काठमाडौं (हाम्रो खेलकुद) – राष्ट्रिय महिला क्रिकेट टोलीकी पूर्व कप्तान नेरी थापा मगरको कप्तानीमा लुम्बिनी प्रदेशले ललितपुर मेयर महिला च्याम्पियनसिप–२०७७ प्रतियोगिताको लागि १४ सदस्य टोली घोषणा गरेको छ ।

ललितपुर मेयर महिला च्याम्पियनसिप चैत २१ देखि २८ सम्म टियु मैदानमा हुँदै छ । लुम्बिनी गत पुसमा लमहीमा सन्पन्न प्रधानमन्त्री कप महिला राष्ट्रिय प्रतियोगिता सेमिफाइनल सम्म पुगेको थियो । यस प्रतियोगितामा प्रधानमन्त्री कपको सेमिफाइनलमा पुगेका प्रदेश १, एपिएफ, लुम्बिनी र सुदूरपश्चिमसँगै ललितपुर ११ गरि पाँच टोली छन् । प्रतियोगिता लिगको आधारमा हुने छ ।

लुम्बिनीले पहिलो खेल चैत २२ मा ललितपुर ११ सँगै खेल्दै सुरुवात गर्ने छ । चैत २३ मा प्रदेश १ सँग खेल्ने छ । चैत २५ मा सुदूरपश्चिम चैत २६ मा एपिएफसँग खेल्ने छ । लिगमा शीर्ष दुईमा रहन सके चैत २८ मा फाइनल खेल्ने छ । गत प्रधानमन्त्री कप टोलीबाट लुम्बिनी एक खेलाडी परिवर्तन गरेको छ । गिता गोसाईको स्थानमा जिज्ञाशा थापालाई मौका दिएको छ ।

लुम्बिनी प्रदेशको टोली : नेरी थापा मगर (कप्तान), सरस्वती पुन (उपकप्तान) स्वस्तिका बजागाईं, सरिता जि.सी., सरस्वती घर्तीमगर, सर्मिला रोका मगर, लक्ष्मी चौधरी, मधु डिसी, कृतिका मरासिनी, नितु भण्डारी, एलिसा केसी, वर्षा राना र सुस्मिता भुषाल र जिज्ञाशा थापा ।

टिम प्रशिक्षक : सन्जु क्षेत्री

टिम ब्यवस्थापक : उमा अधिकारी