काठमाडौं (हाम्रो खेलकुद) – पूर्व राष्ट्रिय खेलाडी तथा अम्पायर स्वर्गिय सुनिल ढुङ्गानाको परिवारलाई नेपाली क्रिकेट समर्थक समाज (एनसिएसएस) ले आर्थिक सहयोग गरेको छ ।

गत पुषमा अकस्मात निधनपछि उनको पारिवारिक आर्थिक अवस्था साथै पत्नी र सुपुत्रको भविष्यलाई मध्यनजर गर्दै एनसिएसएसले संचालन गरेको सहयोग संकलन अभियानबाट रकम हस्तान्तरण गरेको छ ।

समर्थक समाजले स्व. ढुङ्गानाको परिवारलाई दुई लाख १२ हजार रुपैयाँ आर्थिक सहयोग गरेको हो । पहिलो चरणमा धर्मपत्नी लक्ष्मी ढुङ्गाना र सुपुत्र सुलभ ढुङ्गानालाई रु १ लाख हस्तान्तरण गरेको थियो । बिहिबार दोस्रो चरणमा बाँकी १ लाख १२ हजार रुपैयाँ हस्तान्तरण गरेको एनसिएससले जनाएको छ । एनसिएसएसका केन्द्रिय कोषाअध्यक्ष अच्युत पाण्डे, सहसचिव मोहन ज्ञावली, केन्द्रीय सदस्य तारा पाठक र रुपन्देही जिल्ला सम्वन्वय समितिका पदाधिकारीहरुले उनको आवसमै पुगेर उक्त रकम हस्तान्तरण गरेका थिए ।

सुनिलको पत्नी लक्ष्मीले यससहयोग अभियानमा देश तथा विदेशमा रहेका सम्पूर्ण समर्थक, क्रिकेटसँग आबद्द सरोकारवाला व्यक्तिहरु जोडिएकोमा खुसी व्यक्त सम्पूर्ण सहयोगी मनहरु र एनसिएसएसलाई धन्यवाद दिएकी थिइन् । एनसिएसएसका सहसचिव मोहन ज्ञवालीले क्रिकेट क्षेत्रमा लागेर सुनिलले धन नकमाए पनि थुप्रैको मन भने कमाउन सफल भएको बताएका थिए । रुपन्देहीको स्थानिय क्रिकेटमा महत्वपूर्ण योगदान पुर्याएका सुनिलको गत पुस ७ गते ६३ बर्षको उमेरमा घरैमा लडि टाउकोमा चोट लागेपछि अस्पताल लैजाने क्रम्मा मृत्यु भएको थियो ।