काठमाडौं (हाम्रो खेलकुद) – दोस्रो संस्करणको चितवन प्रिमियर लिग (सिपिएल) २०२१ आगमी डिसेम्बरमा हुने भएको छ । आयोजक नारायणी एडभर्टाइजिङ एण्ड इभेन्ट्सले बिहिबार एक प्रेस विज्ञप्ति जारी गर्दै आगमी डिसेम्बरमा हुने जनाएको छ ।

दोस्रो संस्करणको सिपिएल चितवनको भरतपुरमा धुर्मुस सुन्तली फाउण्डेसनले जनस्तरबाट निर्माणधिन गौतमबुद्ध अन्तर्राष्ट्रिय क्रिकेट रंगशालामा हुने आयोजकले जनाएको छ । पहिलो संस्करणका सिपिएल रायणगढस्थित क्याम्पाचौरमा सम्पन्न भएको थियो । प्रतियोगितामा पाँच फ्रेन्चाइज टोली छन् । भरतपुर गुर्खाज, माडी टाइगर्स, इच्छाकामना वारियर्स, सौराहा स्याण्ड्स र राप्ती ¥यापिड्स छन् । गतवर्ष फाइनलमा राप्तीले सौराहलाई पराजित गर्दै उपाधि जितेको थियो ।

दोस्रो संस्करणको सिपिएल आयोजकले चैतमा गर्ने तयारी गरि रहेको थियो । तर कोरोना महामारीको कारण निर्धारित समयमा नहुने भएको छ । गतवर्ष भरतपुरको मार्की प्लेयरमा संघर्ष पौडेल, माडीको मार्की प्लेयरमा किशोर महतो, इच्छाकामनाको मार्की प्लेयरमा दिपेश श्रेष्ठ, सौराहाको मार्की प्लेयरमा सन्तोष न्यौपाने र राप्तीको मार्की प्लेयरमा आकाश थापा थिए । प्रतियोगितामा सहभागी टिमहरुले दुई जना राष्ट्रिय खेलाडी यू १९ र तीन जना स्थानीय खेलाडी अनिवार्य राख्नुपर्ने नियम थियो ।