काठमाडौं (हाम्रो खेलकुद) – बलियो नेपाल पोषण अभियानको सहयोगमा क्वीन्स इभेन्ट्स म्यानेजमेन्ट प्रालिले बलियो नेपाल कप क्रिकेट प्रतियोगिता आयोजना गर्ने भएको छ ।

प्रतियोगिता लुम्बिनी प्रदेशका १२ जिल्लाहरुबाट १६ वर्षका मुनीका खेलाडीबी अन्तरजिल्ला प्रतिस्पर्धा हुने छ । जिल्ला क्रिकेट संघमार्फत खेलाडी छनोट कार्यक्रम गर्ने क्वीन्स म्यानेजमेन्ट प्रा.लीले जनाएको छ ।

चैत २१ देखि २८ सम्म दाङको लमहीमा रहेको देउखुरी क्रिकेट मैदानमा हुने छ । खेलाडी छनोट चैत १२ देखि १५ सम्म हुने छ । क्रिकेट खेलका लागि सम्भावना बोकेका प्रतिभाहरुको खोजी गर्नु र तिनीहरुलाई दक्ष खेलाडी बन्न असर सृजना गर्नु यस प्रतियोगिता मुख्य उदेश्य रहेको आयोजकले जनाएको छ ।

प्रतियोगितामा लुम्बिनी प्रदेशका १२ जिल्लाले सहभागिता जनाउने छ। सहभागी टोलिलाई ४ समुहमा विभाजन गरिनेछ । प्रतियोगिताभर कुल १५ खेल हुनेछ । १० कक्षा मुनिका यु-१६ टोलीले खेल्न पाउनेछ । प्रतियोगिताको ट्रफी दिया राणा र युवराज सिंहले अनवरण गरेका थिए ।

बलियो नेपाल पोषण अभियान एक गैर नाफामुलक संस्था हो । क्वीन्स इभेन्ट्स म्यानेजमेन्टले नेपालमा पोखरा प्रिमियर लिग (पिपिएल) को दुई संस्करण र वुमन्स च्याम्पियन्स लिग सफलतापूर्वक सम्पन्न गरि सकेको छ ।