ईलाम (हाम्रो खेलकुद) – त्रिभुवन आर्मी क्लबले नेपाल पुलिस क्लबमाथि उत्कृष्ट पूनरागमनका साथ सानदार जितका निकाल्दै दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता फाइनलमा प्रवेश गरेको छ ।

पहिलो सेमिफाइल खेलमा आर्मीले पुलिसलाई ३-१ ले हराउँदै फाइनलमा स्थान बनाएको हो । ईलामको ठूलो टुँडेखेलमा भएको पहिलो सेमिफाइनलमा आर्मीले पुलिसलाई १९-२५ २५-२२, २५-१५ र २५-२० ले हराउँदै फाइनलमा स्थान बनाएको हो ।

पहिलो सेट गुमाएको आर्मीले त्यसपछि लगातर तीन सेट जित्दै फाइनलमा स्थान बनाएको हो । पहिलो सेट आर्मीले १९-२५ ले सहजै हारेको थियो । तर त्यसपछि भने खेलमा उत्कृष्ट प्रर्दशन गर्यो । दोस्रो सेटमा २५-२२ ले जितेको थियो । तेस्रो सेट २५-१५ ले जित्यो ।

सुरुवाती समय चौथो सेटमा पुलिसले ७ अंकको अग्रता लिएको थियो । उक्त ७ अंकले पछि परेको आर्मीले उत्कृष्ट पूनरागमनको साथ जित निकाल्न सफल भएको थियो । १०-३ को अवस्थाबाट आर्मीले उत्कृष्ट प्रर्दशन गर्दै जित निकालेको हो । १८-१८ को बराबरी अवस्थाबाट अग्रता लिँदै जित निकालेको हो ।

नियमित कप्तान ईम रानामगर र द्धारिका थापा सेमिफाइनल खेलेका थिएनन् । यी दुई खेलाडी नहुदा पुलिस कमजोर देखिएको छ । टोली पराजित भए पनि विशाल बहादुर बिक र रविन चन्द्रले उत्कृष्ट प्रर्दशन गरेका थिए । रविन टोली पराजित भएपनि म्यान अफ द म्याच चुनिए । द्धारिका पहिलो खेलमा नेपाल एपिएफ क्लबविरुद्ध घाईते भएका थिए । ईम ढाँडको समस्याको कारण खेलेका थिएनन् ।

आर्मी ३ खेलमा ३ जितका साथ ७ अंक जोड्दै हेड टु हेडको आधारमा शीर्षस्थानमा रहँदै सेमिफाइनल पुगेको हो । आर्मीले लिगर चरणको पहिलो खेलमा विमान ट्रेडर्स विर्तामोडलाई ३–२ ले पराजित गरेको थियो । दोस्रो खेलमा आर्मीले गौरादह नगर खेलकुद विकास समितिलाई ३–२ र लिगको अन्तिम खेलमा साविक विजेता गण्डकी प्रदेशलाई ३–१ ले पराजित गरेको थियो ।

पुलिस पहिलो खेलमा नेपाल एपिएफ क्लबसँग ३–२ को सेटमा पराजित भएको थियो । दोस्रो खेलमा दमक नगर भलिबल क्लबलाई ३–० को सोझो सेटमा पराजित गर्दै समूह बी को उपविजेता बनेको थियो ।

दोस्रो सेमिफाइनलमा समूह ‘ए’ को उपविजेता विमान ट्रेडर्स विर्तामोड र समूह ‘बी’ को विजेता नेपाल एपिएफ क्लबबीच प्रतिस्पर्धा हुनेछ । फाइनल आइतबार हुने छ । आर्मीले उपाधिको लागि विमान र एपिएफको विजेतासँग खेल्ने छ । प्रतियोगिताको विजेताले २ लाख तथा दोस्रो हुने टोलीले १ लाख रुपैयाँ हात पार्नेछन् ।