ईलाम (हाम्रो खेलकुद) – दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता समूह ‘ए’ अन्तिम खेलमा गौरादह नगर खेलकुद विकास समितिले विमान ट्रेडर्स विमार्तामोडलाई वाक ओभर दिएको छ ।

अन्तिम खेलमा आफूले खेल्न नसक्ने जानकारी दिँदै वाक ओभर दिएको आयोजकले औपचारिक रुपमा जानकारी दिएको छ । भारतीय खेलाडी सम्मिलित यी दुई टोलीबीचको खेल वाक ओभर भएपछि सेमिफाइनल समिकरण पनि पूरा भएको छ ।

योसँगै विमान ट्रेडर्स विर्तामोड समूह ‘ए’ को उप विजेता बनेको छ । विमान ३ खेलमा २ मा जित र १ मा हार सहित ७ अंकका दोस्रो स्थानमा रह्यो । ३ खेलमा नै विजयी भएको आर्मी समान ७ अंक जोडेर शीर्षस्थानमा रह्यो गण्डकी ३ अंकका साथ तेस्रो स्थानमा रहदै बाहिरियो । गौरादह १ अंकका साथ पुछारमा रहँदै बाहिरियो ।

समूह ‘बी’ मा एपिएफ २ खेलबाट ५ अंकका साथ शीर्ष स्थानमा रहँदै सेमिफाइनलमा पुग्यो । पुलिस ४ अंकका साथ दोस्रो स्थानमा रहँदै समूह उप विजेता बन्यो । दमक अंक विहिन हुन पुग्यो ।

सेमिफाइन शनिबार र फाइनल आइतबार हुने छ । पहिलो सेमिफाइनलमा समूह ‘ए’ को विजेता आर्मी र समूह ‘बी’ को उप विजेता पुलिसबीच प्रतिस्पर्धा हुने छ । दोस्रो सेमिफाइनलमा समूह बी को विजेता एपिएफ र समूह ‘ए’ को उप विजेता बिमानबीच प्रतिस्पर्धा हुने छ ।

प्रतियोगिताको विजेताले २ लाख रुपैयाँ प्राप्त गर्नेछन् । दोस्रो हुने टोलीले १ लाख तथा तेस्रो हुने टोलीले ५० हजार रुपैयाँ हात पार्नेछन् ।

सच्याइएको

यसअघि आर्मी समूह ‘ए’ विजेता हुनुपर्नेमा अन्यथा पर्न गएकोमा सच्याइएको छ । सुरुमा प्राविधिक समितिले सेटको आधारमा बिमान ट्रेडर्सलाई समूह विजेता भनेपनि छलफलमार्फत हेड टु हेडको आधारमा आर्मी समूह विजेता घोषणा गरेको छ । प्राविधिक समितिको कारण अन्यथा पर्न गएकोमा क्षमाप्रार्थी छौं ।