ईलाम (हाम्रो खेलकुद) – नेपाली राष्ट्रिय भलिबल टोलीका सदस्य तथा नेपाल पुलिस क्लबका मिडिल ब्लकर द्धारिका थापा कम्तिमा तीन साता बाहिर रहने भएका छन् ।

द्धारिका ईलाममा जारी दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता पहिलो दिन (बुधबार) नेपाल एपिएफ क्लबसँग ३–२ को सेटमा पराजित भएको खेलमा घाईते भएका थिए ।

चौथो सेटमा घाइते भएका द्धारिका बायाँ खुट्टाको मसल च्यातिएपछि (मांशपेशीको चोट) कम्तिमा तीन साता बाहिर रहने भएका हुन् । नेपाल पुलिस कप्तान इम रानामगरले कम्तिमा तीन हप्ता बाहिर रहने जनाएका छन् । द्धारिकाले योसँगै आगमी चैत्र १९ देखि २६ सम्म काठमाडौंमा सुरु हुने पाँचौ आरबीबी एनभिए पुरुष क्लब लिग च्याम्पियनसिप खेल्ने सम्भावना न्यून रहेको कप्तान इमले बताए ।

उनको उपचार इलाम अस्पतालमा एक्सरे गरेपछि पलाष्टर गरेर विश्राम गरि रहेका छन् । उनि पुलिस टोलीसँगै रहेका छन् । कप्तान इमले उनलाई उपचार भन्दा पनि विश्राम बढी आवश्यक हुने बताए ।

ईलाम आमन्त्रण खुल्ला पुरुष भलिबल प्रतियोगितामा समूह ‘बी’ मा रहेको पुलिस पहिलो खेलमा एपिएफसँग ३–२ ले हराएको थियो । द्धारिका चोटका कारण कोर्टबाट बाहिरिएपछि पुलिसको प्रदर्शन फितलो देखिएको थियो । पुलिसले सेमिफाइनलमा स्थान बनाउन शुक्रबार दमक नगर भलिबल क्लबसँग खेल्नेछ । पुलिसलाई सेमिफाइनलमा पुग्न दमकलाई हराउनुपर्ने हुन्छ ।

उपाधि दाबेदार पुलिसलाई द्धारिकाको महँगो पर्न सक्नेछ । सुरुवाती दुबै खेल जित्दै एपिएफ शीर्ष स्थानमा रहदै समूह बी बाट सेमिफाइलमा पुगि सकेको छ ।