ईलाम (हाम्रो खेलकुद) – दोस्रो संस्करणको ईलाम आमन्त्रण खुल्ला पुरुष भलिबल प्रतियोगिता दोस्रो दिन तेस्रो खेलमा साविक विजेता गण्डकी प्रदेश साविकको उपविजेता विमान ट्रेडर्स विर्तामोडसँग ३–० को सोझो सेटमा पराजित भएको छ ।

ईलामको ठूलो टुडिखेल मैदानमा बिहीबार भएको खेलमा भारतीय राष्टिय राष्ट्रिय टोलीका तीन खेलाडी सम्मिलित विमानले गण्डकीलाई पराजित गर्दै प्रतियोगितामा पहिलो जित हात पारेको छ । विमानले गण्डकीलाई २५–२०, २५–२३ र २५–२३ को सोझो सेटमा पराजित गरेको हो ।

रतीय भलिबल टोलीका तीन खेलाडी सम्मिलित विमानविरुद्ध गण्डकीले राम्रो प्रतिस्पर्धा गरेपनि सेटमा जित भने निकाल्न सकेन । विमान पहिलो खेलमा विमान आर्मीसँग ३–२ को सेटमा पराजित भएको थियो । गण्डकीले गौरादह नगर खेलकुद बिकास समितिलाई ३–० को सोझो सेटमा पराजित गरेको थियो ।

समूह ‘ए’ बाट हेड टु हेडको आधारमा दुबै खेलमा जितका साथ आर्मी ४ अंकका साथ शीर्षस्थानमा छ । विमान २ खेलमा १ मा हार र १ मा जित सहित ४ अंकका साथ दोस्रो स्थानमा छ । गण्डकी प्रदेश २ खेलमा १ मा जित र १ मा हार सहित ३ अंकका साथ तेस्रो स्थानमा छ । गौरादह दुबै खेलमा हारका साथ पुछारमा छ ।

अब शुक्रबार हुने लिगको अन्तिम खेलबाट नै समूह ‘ए’ बाट सेमिफाइनल पुग्ने टोलीको टुंगो लाग्नेछ । शुक्रबार आर्मीले गण्डकीको तथा बिमानले गौरादहको सामना गर्दैछ । समूह ‘बी’मा एपिएफ २ खेलबाट ५ अंकका साथ शीर्ष स्थानमा रहँदै सेमिफाइनलमा प्रवेश गरिसकेको छ । पुलिस १ अंकका साथत दोस्रो र दमक अंक विहिन हुँदै पुछारमा छ ।

प्रतियोगिता ४ देखि ८ चैतसम्म हुदैछ । प्रतियोगितामा ७ टोलीको सहभागिता छ । लिग कम नकआउटका आधारमा हुने प्रतियोगितामा सहभागी ७ टोलीलाई दुई समूहमा विभाजन गरिएको छ । समूह ‘ए’ मा त्रिभुवन आर्मी क्लब, विमान ट्रेडर्स, गौरादह नगर खेलकुद बिकास समिति र गण्डकी प्रदेश छन् । समूह ‘बी’ मा नेपाल एपिएफ क्लब, नेपाल पुलिस क्लब र दमक नगर भलिबल क्लब छन् ।

समूहका शीर्ष दुई टोलीले सेमिफाइनलमा स्थान बनाउनेछ । प्रतियोगिताको विजेताले २ लाख रुपैयाँ प्राप्त गर्नेछन् । दोस्रो हुने टोलीले १ लाख तथा तेस्रो हुने टोलीले ५० हजार रुपैयाँ हात पार्नेछन् ।