प्रथम साईनो खुल्ला मेयरकप ब्याडमिन्टन प्रतियोगितामा कैलालीका देवराज राना र सेनाका पविन लिनथेपले प्रथम खुल्ला साईनो मेयर कप ब्याडमिन्टन प्रतियोगिताका बिजयी सुरुवात गरेका छन् ।

देवराजले आयोजक साईनोका सुजन थापालाई २१–१४ र २१–१४ को समान अन्तरले पराजित गर्दै दोश्रो चरण प्रवेश गरे । यस्तै पविनले बुटवलका प्रतिक अर्यालमाथि २१–७ र २१–८ को जित हात पारे ।

सेनाका संतोष पनेरुले काठमाण्डौ ब्याडमिन्टन एकेडेमीका प्रतिक श्रेष्ठमाथि २१–३ र २१–५, गोकुल जोराले एनआएएन दुवईका साहिल चन्दलाई २१–५ र २१–१०, रुकेश महर्जनले काठमाडौ ब्याडमिन्टन एकेडेमीका अश्विन जलानलाई २१–१३ र २१–१०, भुपु सैनिक तालिम केन्द्रका सुरज गुप्ताले टोखाका दामोदर श्रेष्ठबाट वाक ओभर, सहरोज अन्सारीले कैलालीका योगेश खड्कालाई १८–२१, २१–११ र २१–१८ को सेटमा पराजित गरे ।

नेपाल पुलिसका पूर्ण बहादुर थापाले टोखाका क्षितीज खनाललाई २१–१९ र २२–२०, सेनाका आयुष्मान नागरीले काठमाण्डौ ब्याडमिन्टन एकेडेमीका दिपेन गायकबाट वाक ओभर, सुर्खेतका नरेन्द्र बलमे काठमाण्डौ ब्याडमिन्टन एकेडेमीका बबिस थापालाई २१।१६, २१।१५, सेनाका भोजबहादुर गुरुङ्गले चण्डोलका शिव थापालाई २३–२१ र २१–१२ र डेभिड थापाले टोखाका अमन महर्जनलाई २१–१५ र २१–१० ले पराजित गरे ।

तारकेश्वर १ साङलामा आयोजकको आफ्नै कभर्डहलमा भएको प्रतियोगिताको पुरुष युगल सीतर्फ सिन्धुलीका बिष्णु ढुङ्गेल र पुरज ढुङ्गेलको जोडीले स्पोर्ट्स हवका ज्ञानु गिरी र रोचक राईको जोडीलाई २०–२२, २१–४ र २१–९, दाङ्गका अरुण अधिकारी र सुविन श्रेष्ठको जोडीले चन्द्रागिरीका अशोक जोशी र रोशन श्रेष्ठको जोडीलाई २१–१५ र २१–१८ को सेटमा पराजित गरे ।

दीपक ब्याडमिन्टन एकेडेमीका रुपाल बादे र राम आले मगरको जोडीले हरिशिद्धी ब्याडमिन्टन क्लबका बिक्रम महर्जन र हेरिराज महर्जनको जोडीलाई २१–१८ र २१–१७, गण्डकी ब्याडमिन्टन क्लबका शरद खड्का र रमेश ठकुरीको जोडीले सूर्यदर्शनका दीपक राना र अर्जून तामाङ्गको जोडीलाई १५–२१, २१–१२ र २१–१९ र टोखाका मानकाजी श्रेष्ठ र पुष्प श्रेष्ठको जोडीले चण्डोलका सुमन डङ्गोल र सुजन तामाङ्गको जोडीलाई २१–१५ र २१–८ ले पराजित गर्दै दोश्रो चरणमा स्थान पक्का गरे ।

यसैगरि दोश्रो चरण प्रवेश गर्ने क्रममा सूर्यदर्शनका बाबुराम महर्जन र हिरा रोका मगरको जोडीले बुटवलका प्रतिक अर्याल र युएई दुवइ एनआरएनका साहिल चन्दको जोडीलाई २१–१६ र २१–१०, हरिसिद्धी ब्याडमिन्टन क्लबका धनराम महर्जन र सिदिस महर्जनको जोडीले धर्मस्थलीका नवराज खड्का र बिजय श्रेष्ठको जोडीलाई १६–२१, २१–१५ र २१–१८, किर्तिपुरका द्रिप्रिस बज्राचार्य र निखिल भट्को जोडीले भक्तपुरका राजेश खाईतु र श्याम सुन्दर खाईजुको जोडीलाई २१–९ र २१–१६, टोखाका क्षितीज खनाल र अमन महर्जनको जोडीले भक्तपुरका राजेश घेमसु र रुकेश कुवरको जोडीलाई २१–७ र २४–२२ ले पराजित गरे ।

भुपु सैनिकका जीवन खत्री र प्रकाश कुँवरको जोडीले टोखाका पदम गुरुङ्ग र प्रशान्त सिंह ठकुरीबाट वाकओभर, नुवाकोटका चन्दन घले र सुरज लामाको जोडीले ललितपुरका सुजित महर्जन र राकेश शाक्यबाट वाक ओभर तथा टोखाका प्रकाश कार्की र दामोदर श्रेष्ठको जोडीले ओखलढुङ्गाका हेमन्त राई र निरज राईको जोडीबाट वाकओभर प्राप्त गरे ।

पाँच दिन सम्म संचालन हुने प्रतियोगितामा पुरुष एकल, महिला एकल, पुरुष युगल (राष्ट्रिय बरियतामा एकल र युगलमा उच्च २० मा रहेका बाहेक) भेट्रान्स (४५ बर्ष माथी) बी र सी लेबल गरि कुल ६ बिधामा १९७ खेलाडीहरुले प्रतिस्पर्धा गर्नेछन् ।

प्रतियोगितामा पुरुष एकल र युगलमा बिजयी शिर्ष तीन स्थानका खेलाडीहरुले नगद ५०, ३० र १० हजार, मेडल र प्रमाण पत्र प्राप्त गर्ने छन् । यस्तै पुरुष एकलमा क्वाटरफाईनलिष्टहरुले नगद ५ हजार र प्रमाण पत्र प्राप्त गर्ने छन् ।

महिला एकलतर्फ शिर्ष तीनले ३० हजार, १५ हजार र ७ हजार ५ सय सहित मेडल प्रमाण पत्र प्राप्त गर्ने छन् । भेट्रान्स तर्फ बिजयी शिर्ष तीनले ४०, २५ र २० हजारका साथै मेडल, प्रमाण पत्र प्राप्त गर्ने छन् । यस्तै प्रथम स्थान प्राप्त गर्नेलाई ट्रफी प्रदान गरिने छ । प्रतियोगिताको लागत १५ लाख रहेको छ ।

तारकेश्वर नगरपालिकाको प्रायोजन तथा साईनो स्पोर्टस् हलको आयोजनामा भएको प्रतियोगिताको राष्ट्रिय खेलकुद परिषदका सदस्य एवं नेपाल ब्याडमिन्टन संघका उपाध्यक्ष सुभाष श्रेष्ठले पानसमा दीप प्रज्वलन गरि उद्घाटन गरे ।

प्रतियोगिताको उद्घाटन गर्दै श्रेष्ठले उपत्यकाबाट ६ किमि टाढा यस्तो राम्रो कभर्डहल बनाई ब्याडमिन्टन खेलको बिकासमा अग्रसर भएकोमा हलका संचालक ओमलाल गुरुङ्गलाई धन्यवाद प्रदान गर्दै परिषद साईनोसंग सहकार्य गर्न ईच्छुक रहेको बताए ।

कार्यक्रमलाई सम्बोधन गर्ने क्रममा प्रतियोगिताका रेफ्रि उदय अर्यालले आगामी दिनमा प्रतियोगितामा बि र सी लेभल भनेर छुुट्याउन नहुने भन्दै यस्ता प्रतियोगिताले खेलमा बिकृती उत्पन्न हुने बताए ।