झापा (हाम्रो खेलकुद) – झापाको मेचीनगरमा बिहीबारदेखि दोस्रो संस्करणको प्रदेश एक स्तरीय ब्याडमिन्टन प्रतियोगिता शुरु भएको छ ।

१ नम्बर प्रदेशसभा सदस्य श्रीप्रसाद मैनालीले उद्घाटन गरेको प्रतियोगिताको पहिलो दिन प्रि–क्वाटरफाइनलका खेलहरु सम्पन्न भएका छन् । दोस्रो दिन क्वाटरफाइनल र सेमिफाइनलका खेलहरुमा प्रतिस्पर्धा हुने आयोजकले जनाएको छ ।

पुरुष डबल्सको क्वाटरफाइनलमा सुजन श्रेष्ठ प्रनिस सिंह ठकुरीको जोडीले बिजु श्रेष्ठ र किरण श्रेष्ठको जोडीसँग प्रतिस्पर्धा गर्नेछ । यस्तै एसिया जवगु र दिवस शंकरको जोडीले सन्तोष खड्का र सत्यम श्रेष्ठको जोडीसँग खेल्नेछ ।

नविन सिलवाल र रविन सौदेनको जोडीले सुर्य श्रेष्ठ तथा बिशाल तामाङको जोडीसँग तथा प्रकाश राई र सुदेन राईको जोडीले पविन लिङ्थेप र पेम्वा शेर्पाको जोडीसँग प्रतिस्पर्धा गर्नेछ ।

पुरुष डबल्स ४५ वर्षमा भवानी आङदेम्वे र सुरेश नुयोङको जोडीले घनेन्द्र लिम्बु र मदन लिम्बुको जोडीसँग खेल्नेछ । सन्जय भक्तराज र गणेश कार्कीको जोडीले अमर विष्ट र मोहन कटुवालको जोडीसँग खेल्नेछ ।

प्रतियोगितामा प्रदेश १ को ताप्लेजुङबाहेक सबै जिल्लाबाट १ सय १६ जना खेलाडीले सहभागिता जनाएका छन् । प्रतियोगिताको पुरुष डबल्सतर्फको बिजेता टिमले ५० हजार रुपैया हात पार्नेछन् । दोस्रो हुने टोलीले ३१ हजार तथा तेस्रो हुने जोडीले २० हजार रुपैयाँ हात पार्नेछन् । त्यस्तै भेट्रानतर्फको बिजेता टिमले नगद २५ हजार, दोस्रोले १५ हजार र तेस्रोले १० हजार रुपैयाँ हात पार्नेछन् ।