default_image

4 years ago

December 29, 2020

अष्ट्रेलिायामाथि भारतको सानदार जित

88 views

0 Bookmark

एजेन्सी – भारतले दोस्रो टेष्ट खेलमा घरेलु टोली अष्ट्रेलिायामाथि सानदार जित निकाल्दै चार टेष्ट खेलको सिरिज १-१ को बराबरी अवस्थामा पुर्याएको छ ।

मंगलबार भारतले दोस्रो टेष्टमा अष्ट्रेलिायालाई ८ विकेटले पराजित गरेको छ । चौथो दिन जितको लागि पाएको ७० रनको सामान्य विजयी लक्ष्य भारतले १५.५ ओभरमा २ विकेट गुमाउँदै पूरा गर्यो । भारतका ओपनर सुभमन गिल ३६ बलमा ७ चौका सहित ३५ रनमा अविजित रहे । कप्तान अजिंक्या रहाने ४० बलमा ३ चौका सहित २७ रनमा अविजित रहे ।

मयंक अग्रवाल ५ र चेतेश्वर पुजारा ३ रनमा अविजित रहे । मिचेल स्टार्क र प्याट कमिन्सले एक एक विकेट लिए । चौथौं दिन अष्ट्रेलिया दोस्रो इनिङमा २ सय रनमा अल आउट भयो । पहिलो इनिङमा १ सय ३१ रनले पछि परेको अष्ट्रेलियाले समग्रमा भारतलाई ७० रनको लक्ष्य दिएको थियो ।

अष्ट्रेलियाका युवा अलराउन्डर क्यामरन ग्रिनले १ सय ४६ बलमा ५ चौका सहित सर्वाधिक ४५ रनको योगदान दिए । प्याट कमिन्स २२ रनमा आउट हुँदा मिचेल स्टार्क १४ रनमा अविजित रहे । कमजोर प्रर्दशन गरिरहेका ओपनर जो बन्र्सलाई दोस्रो इनिङमा पनि उमेश यादवको बलमा ४ रनमा ऋषभ पन्तबाट क्याच आउट गराए । मार्नस लाबुसेन ४९ बलमा १ चौका प्रहार गर्दै २८ रनमा क्याच आउट हुन पुगे ।

३३ औं ओभरमा जस्प्रित बुमराहले स्टिभ स्मिथलाई ८ रनमा बोल्ड आउट गरेपछि अष्ट्रेलिया समस्यामा परेको थियो । ओपनर म्याथ्यु वेडलाई स्पिनर रविन्द्र जडेजाले ४० रनमा एलबिडब्लू आउट गरे । वेडले १ सय ३७ बलमा ३ चौका प्रहार गरे । ट्रविस हेड १७ र कप्तान टिम पेइन १ रनमा क्याच आउट भएपछि अष्ट्रेलिया हारतर्फ अघि बढेको छ । भारतका मोहम्मद सिराजले ३, रविन्द्र जडेजा, रविचन्द्रन आश्विन र जस्प्रित बुमराहले २-२ विकेट लिए ।

भारत पहिलो इनिङमा ११५.१ ओभरमा ३ सय २६ रनमा अल आउट हुँदै १ सय ३१ रनको अग्रता लिएको थियो । कप्तान अजिंक्या रहानेले कप्तानी इनिङ खेल्दै १ सय १२ रनको योगदान दिए । रन आउट हुनुअघि रहानेले २ सय २३ बलमा १२ चौका प्रहार गरेका छन् । रहानेको यो टेष्ट करिअरको १२ औं टेष्ट शतक हो । छैटौं विकेटका लागि रहाने र जडेजाले १ सय २१ रनको अविजित शतकीय साझेदारी गरेका थिए । जडेजाले १ सय ५९ बलमा ३ चौका सहित ५७ रनको योगदान दिए ।

ओपनर मयंक अग्रवाल शून्यमा आउट भएपनि सुभमन गिलले राम्रो सुरुवात दिलाए । भारतका लागि टेष्टमा डेब्यू खेल खेलि रहेका गिलले ६५ बलमा ८ चौका सहित ४५ रन जोड्दै राम्रो सुरुवात दिएका थिए । गिललाई प्याट कमिन्सले कप्तान टिम पेइनबाट क्याच आउट गराए । चेतेश्वर पुजरा भने १७ रनमा क्याच आउट हुन पुगे । कमिन्सले उनलाई पेइनबाटै क्याच आउट गराएका थिए ।

हनुमा विहारी २१ र ऋषभ पन्तलाई २९ रनमा आउट गर्दै अष्ट्रेलियाले खेलमा पकड जमाउन खोजेको थियो । तर रहाने र जडेजाले भारतलाई सम्हाल्दै इनिङमा अग्रता बढाएका छन् । अष्ट्रेलिया मिचेल स्टार्क र नाथन लायनले ३(३ विकेट लिए । प्याट कमिन्सले २ विकेट लिए ।

त्यसअघि मेलबर्न क्रिकेट मैदानमा टस जितेर पहिला ब्याटिङ रोजेको अष्ट्रेलिया ७२।३ ओभरमा १ सय ९५ रनमा अल आउट भएको थियो । अष्ट्रेलिया मार्नस लाबुसेनले १ सय ३२ बलमा ४ चौका सहित सर्वाधिक ४८ रनको योगदान दिए ।

ओपनर जो बर्न्सलाई जस्प्रित बुमराहले विकेटकिपर ऋषभ पन्तबाट शून्यमा क्याच आउट गराएका थिए । स्पिनर रविचन्द्रन आश्विनले म्याथ्यु वेडलाई ३० र प्रमुख ब्याट्सम्यान स्टिभ स्मिथलाई शून्यमा क्याच आउट गरेपछि अष्ट्रेलियाले संघर्ष गरेको थियो । ट्राभिस हेड ३८, क्यामरन ग्रिन १२, टिम पेइन १३ र नाथन लायनले २० रनको योगदान दिए ।

अष्ट्रेलिया कुनैपनि ब्याट्सम्यानले ठूलो इनिङ खेल्न सकेनन् । भारतका जस्प्रित बुमराहले ४ र रविचन्द्रन आश्विनले ३ विकेट लिए । डेब्यू टेष्ट खेल खेलि रहेका मोहम्मद सिराजले २ र रविन्द्र जडेजाले १ विकेट लिए ।

पहिलो खेलमा भारत ८ विकेटले पराजित भएको थियो । तेस्रो खेल जनवरी ७ देखि सिड्नीमा सुरुहुने छ ।

March 4, 2025

खड्गी राष्ट्रिय फुटबल टोलीको सहायक प्रशिक्षक नियुक्त

काठमाडौं (हाम्रो खेलकुद)- सल्यान खड्गी राष्ट्रिय पुरुष फुटबल टोलीको सहायक प्रशिक्षक नियुक्त भएका छन्। ए डिभिजन टोली संकटा क्लबका पूर्व प्रशिक्षक रहेका खड्गीलाई अखिल नेपाल फुटबल संघ (एन्फा) का महासचिव किरण राईले मंगलवार नियुक्ती पत्र हस्तान्तरण गरेको‌ एन्फाले सामजिक सन्जाल मार्फत जानकारी दिएको छ। एन्फाले चैत ८ गते सिंगापुरसँग हुने मैत्रीपूर्ण खेल र चैत १२ […]

March 1, 2025

राष्ट्रिय डोरी तानमा पुलिसलाई दोहोरो उपाधि

काठमाडौं (हाम्रो खेलकुद)- नेपाल पुलिस क्लबले तेस्रो राष्ट्रिय डोरी तान प्रतियोगिताको पुरुष र महिला दुवै समूहको उपाधि जितेको छ । पुरुष ६४० केजी र महिला ५८० केजी तौल समूहमा गराइएको प्रतियोगिताको दुवै समूहको शनिवार भएको फाइनलमा पुलिसले त्रिभुवन आर्मी क्लबलसई पराजित गर्यो । फाइनलमा पुलिसले आर्मीलाई २-१ को सेटमा हराउँदै पुरुषतर्फको उपाधि जितेको हो । […]

February 28, 2025

तोरणले १२ वर्षपछि उपाधि जिते

काठमाडौं (हाम्रो खेलकुद)- प्रमुख दाबेदार निरज तामाङलाई एक स्ट्रोकले हराउँदै अनुभवी तोरण विक्रम शाही सूर्य नेपाल एनपिजिए टुर च्याम्पियनसिपको उपाधि जित्न सफल भएका छन्। घरेलु टुरमा तोरणले १२ वर्षपछि उपाधि जितेका हुन्। ५-अन्डर ६७ को स्कोरमा समग्रमा १८-अन्डर २७० सहित उनले निरजलाई रोमाञ्चक शैलीमा माथ दिए। यसअघि उनले सन् २०१३ मा यही च्याम्पियनसिप जितेका थिए। […]

Success

Thank you for your time.