ललितपुर (हाम्रो खेलकुद) – माउण्ट एभरेष्ट चेस एण्ड सोसियल क्लब जोरपाटीका क्षितिज भण्डारीले नेपाल बुद्धिचाल संघका संस्थापक अध्यक्ष स्व.नारायण कृष्ण जोशीको १३औं दिनको पुण्यस्मृतिमा आयोजित खुल्ला रेपिड रेटिङ चेस प्रतियोगिताको उपाधि जितेका छन् ।

स्वीस लिग ९ चरणका खेलमा क्षितिजले ६ जीत र ३ बराबरी खेलेर ७.५ अंक हासिल गर्दै उपाधि जितेका हुन् । समान ७ अंक भए पनि बुकहोल्ज टाईब्रेकमा एशियन कलेज गोंगबुका युवा खेलाडी मिलन लामा दोस्रो र थापाथली चेस पार्कका सुशील चौधरी तेस्रो भए । उपाधिसँगै क्षितिजले १५ हजार हात पारे । दोस्रो र तेस्रो भएकाले क्रमश १० हजार र ७ हजार प्राप्त गरे ।

ललितपुर स्पोर्टस क्लबको आयोजनामा लुँखुसी ललितपरुस्थित श्रमजीत किशोर माविमा संचालित दुई दिने प्रतियोगितामा ललितपुरका सजिन महर्जन पाँचौं, रौतहटका फिडेमास्टर रुपेश जैशवाल छैटौं, पूर्व नेपाल च्याम्पियन सुरवीर लामा सातौं, बद्रिलाल नेपाली आठौं, नविन तण्डुकार नवौं र झापाका प्रकाशचन्द्र नेपाल १०औं भए । स

ुदिप तामाङ, रामकुमार कार्की, आशिष फूँयाल, जनार्दन श्रेष्ठ र सुश्रुत दाहाल शीर्ष १५ मा अटाए । उनीहरुले जनही नगद २ हजार प्राप्त गरे । भेट्रानमा भक्तपुरका गणेशमान दुवाल, अनरेटेडमा बसुन्धराका बिनय राई, १७०० मुनी रेटिङ समुहमा माउण्ट एभरेष्ट चेस एण्ड सोसियल क्लब जोरपाटीका कृष्ण खत्री, स्थानीयमा रत्न ब्यन्जनकार उत्कृष्ठ ठहरिए ।

त्यसैगरी महिलातर्फ डब्लुएफएम सुजाना लोहनी प्रथम, मिशन चेस क्लब टोखाकी पूर्णिमा गुरुङ दोस्रो र सन्तोषी विक तेस्रो भइन् । १६ बर्षमुनी उमेर समुहमा मिशन चेस क्लबका कुशल बेलबासे प्रथम, लाजिम्पाटका पुरुषोतम सिलवाल दोस्रो र मिशन क्लबकै आलोक चौधरी तेस्रो भए ।

विजयी तथा सहभागीहरुलाई आयोजक क्लबका अध्यक्ष हेराकाजी महर्जन, नेपाल ओलम्पिक कमिटीका अध्यक्ष जीवनराम श्रेष्ठ, फिडे इथिक्स कमिटी सदस्य राजेशहरि जोशी, स्व. नारायणकृष्ण जोशीका सुपुत्र डा. सरोजकृष्ण जोशीलगायतले पुरस्कृत गरे । प्रतियोगितामा १२ जिल्लाबाट ६७ जना खेलाडीहरु सहभागी थिए ।