काठमाडौं (हाम्रो खेलकुद) – नेपाली ब्याडमिन्टन कम्युनिटी (एनबीसी) दुवईका नर बहादुर छन्त्याल र अनिल जोशीको जोडीले संयुक्त अरब इमिरेट्स (युएईं) मा आयोजना भएको पुरुष डबल्स ब्याडिमिन्टनमा उपाधि जितेका छन् ।

सी क्याटगोरीमा नर बहादुर छन्त्याल र अनिल जोशीको जोडीले भारतीय खेलाडी अनिल पी र पाउलको जोडीलाई २–१ को सेटमा हराउँदै उपाधि जित्न सफल भएका हुन् ।

यही क्याटगोरीमा प्रमित उदय र दिपेश श्रेष्ठको जोडीले सेमिफाइनलसम्मको यात्रा तय गर्न सफल भएका थिए । यो नेपाली ब्याडमिन्टन कम्युनिटी (एनबीसी) दुवईको लागि ठुलो सफलता हो ।कसमस स्पोर्टस् एकेडेमीद्वारा आयोजित प्रतियोगितामा ‘सी र ‘सी’ प्लस लेभलको पुरुष डबल्स विधामा एनबिसीबाट तीन जोडीले सहभागिता जनाएका थिए ।

सी क्याटगोरीमा नर बहादुर छन्त्याल र अनिल जोशीको जोडी र प्रमित उदय र दिपेश श्रेष्ठको जोडीले प्रतिस्पर्ध गर्दा सी प्लसमा हिरालाल श्रेष्ठ र रमेश सार्कीको जोडीले प्रतिस्पर्धा गरेका थिए ।

सी प्लसमा हिरालाल श्रेष्ठ र रमेश सार्कीको जोडी पहिलो चरणबाटै बाहिरिएपनि मन जित्ने खेल पस्केका थिए । एनबीसीबाट प्रतिनिधित्व गरेका सबै जोडीले राम्रो खेल पस्केका थिए ।

पछिल्लो समय दुवईमा एनबीसीले विभिन्न तहमा खेलाडीको खेलस्तर मापनको लागि विभिन्न प्रतियोगितामा सहभागिता जनाउनुका साथै प्रतियोगिताको समेत आयोजना गर्दै आइरहेको छ ।

एनबीसीले नेपाली मूलका हरेक व्यक्तिलाई खेलकुदमार्फत भाइचारा र जीवन स्वस्थसँगै भावी पिढीलाई प्रेरणा दिने कार्य गरिहेको छ ।