काठमाडौं (हाम्रो खेलकुद) – सातौ नाशिमुरा कप अनलाइन कराते च्याम्पियनसिपमा नेपालले नेपालले ३५ पदक हात पारेको छ । नेपालले १६ स्वर्ण, १२ रजत र ७ कांस्य पदक जित्ने सफल भएको हो ।

अक्टोबर ३०, ३१ र नोभेम्बर १ मा कराते फिलिपिन्स लिगले आयोजना गरेको प्रतियोगितामा नेपालले कुल ३५ पदक जित्न सफल भएको प्रशिक्षक तथा अन्तर्राष्ट्रिय निर्णायक रबी शाहीले जानकारी गराए ।

नेपालका लागि रवीन्द्र मानन्धर, सुभाष घताने, सुभाष कार्की, मनीष कार्की, सत्कार घर्तीमगर, अनुभा मगराती, सुबिता गौतम, गरिमा मगर, रोशमा राई, रिना श्रेष्ठ, सन्जु देशारले स्वर्ण जित्न सफल भएका हुन् ।

जगतसिंह धानुक, सोनिम मानन्धर, न्यान्सी छेत्री, न्हुजमान शाक्य, रुद्राक्ष देवकोटा र नीता आचार्यले रजत पदक जितेका छन् । जुलियाना मोक्तान, दिप्सन सापकोटा, हेरेन्जेन लामा, आरव देवकोटाले कांस्य पदक जितेका छन् ।

पुरुष ३५–४५ उमेर समुह एडभान्स मास्टर काता वर्गमा रविन्द्र मानन्धरले स्विडेनका खेलाडी एन्टोन कुमरलाई हराएर स्वर्ण जित्न सफल भए । महिला २६–३५ वर्षको मुमितेमा मिस्ली श्रेष्ठले स्वर्ण जितिन् ।

च्याम्पियनशिपमा १६ देशका २३२ एथलेटिकलहरुले भाग लिएका छन् । च्याम्पियनसिपमा नेपालको तर्फबाट रबि शाहीले संयोजन तथा निर्णायकको भुमिका निर्वाह गरेका थिए ।

च्याम्पियनसिपमा नेपाल, फिलिपिन्स, इरान, स्वीडेन, जापान, क्यानाडा, चिली, इटाली, मकाउ, यूएई, इजिप्ट, इन्डोनेसिया, सिंगापुर र हङकङका खेलाडीहरुले प्रतिस्पर्धा गरेका थिए ।