काठमाडौं (हाम्रो खेलकुद) – युनिभर्सल नेप्लिज तेक्वान्दो फेडेरेसनले तेक्वान्दोका प्रशिक्षक तथा अनलाइन पुम्सेमा स्वर्णपदक जित्न सफल लक्ष्मण बहादुर ऐरलाई सम्मानित गरेका छन् ।

कोरोना भाइरस कोभिड–१९ का कारण खेलकुद गतिविधिहरु ठप्प रहेको अवस्थामा थुप्रै अनलाइन तथा भर्चुअल पुम्से प्रतियोगितामा आफ्नो सहभागिता र थुप्रै नेपाली खेलाडीहरुलाई समेत सहभागिताको लागि पहल गराई पदक तथा आफुलाई पनि कुशल प्रशिक्षक र खेलाडीको रुपमा प्रमाणित गरेको भन्दै युनिभर्सल नेप्लिज तेक्वान्दो फेडेरेसनले तेक्वान्दोले ऐरलाई प्रशंसा पत्रले सम्मानित गरेको हो ।

ऐरकै पहलमा नेपालले प्रथम अनलाइन डेडो युरोपियन पुम्से च्याम्पियनसिप, दोस्रो अनलाइन वल्ड पुम्से च्याम्पियनसिप, तेस्रो अनलाइनकोभिड–१९ भर्चुअल इन्टरनेशनल तेक्वान्दो च्याम्पियनसिप, प्रथम ओसिनिया ओपन अनलाइन पुम्से एन्ड पारा पुम्से च्याम्पियनसिप र आइओएफटिसी लकडाउन कोभिड–१९ पुम्से अनलाइन भिडियो च्याम्पियनसिप खेलेको थियो ।

पहिलो प्रतियोगितामा विभिन्न उमेर समूहमा ऐरसहित ५ जनाले सहभागिता जनाएपनि नेपाली टोली पदकविहीन बनेको थियो । दोस्रोमा प्रशिक्षक ऐरसहित ७ जनाले सहभागिता जनाउदा १ स्वर्ण, २ रजत र एक कास्य जित्न सफल भएको थियो ।

तेस्रोमा ८ जनाले सहभागिता जनाउदा २ स्वर्ण, २ रजत र १ कास्य गरी ५ वटा पदकहरु प्राप्त गर्न सफल भएका थिए । जुन प्रतियोतितामा प्रशिक्षक ऐर स्वयंले स्वर्णपदक प्राप्त गर्न सफल भएका थिए । चौथोमा ९ खेलाडीले सहभागिता जनाएका थिए ।

अमेरिकाको पोर्टल्यान्डमा भएको आइओएफटिसी लकडाउन कोभिड–१९ पुम्से अनलाइन भिडियो च्याम्पियनसिपमा नेपालले ४ स्वर्णपदक जित्न सफल भएको थियो ।

नेपाली मुलका ग्रान्ड मास्टर दिवाकर डान महर्जनको विशेष पहलमा उक्त प्रतियोतिता सम्पन्न भएको थियो । जसमा युनिभर्सल नेप्लिज तेक्वान्दो फेडेरेसनले विपन्न बर्गका नेपाली थुप्रै खेलाडीहरुको दर्ता शुल्क उपलव्ध गराई छात्रवृति समेत प्रदान गरेको थियो ।