काठमाडौं (हाम्रो खेलकुद) – नेपाल ट्राइयाथलन संघको आयोजना तथा वल्र्ड कोचेज एकेडेमीको सहयोगमा अनलाइन स्विमिङ लेभल वान कोचिङ कोर्स शनिबारदेखि सुरु भएको छ ।

प्रशिक्षकहरुमा वैज्ञानिक प्रशिक्षण विधधिर पौडी सम्वन्धी प्राविधिक ज्ञान प्रदान गर्दै पौडी खेलाडीहरुमा प्रभावकारी ज्ञान प्रदान गर्ने उद्धेश्यले कोर्स सञ्चालन गरिएको नेपाल ट्राइयाथलन संघले जनाएको छ । कोर्सले प्रशिक्षकहरुमा प्रशिक्षण सम्वन्धी उच्च ज्ञान प्रदान गर्नुका साथै प्रशिक्षको भूमिका र उत्तरदायित्व, प्रशिक्षण प्रणाली र खेल सम्वन्धि बिशेष ज्ञान प्रदान गर्नेछ ।

प्रशिक्षकहरुले प्राप्त गरेका यस प्रकारको ज्ञानले नयाँ खेलाडी उत्पादनमा ठुलो सहयोग पुग्नुका साथै भईरहेका खेलाडीहरुको स्तर वृद्धि गर्न समेत ठुलो सहयोग पुग्ने संघको विश्वास लिएको छ ।  दुई दिनसम्म सञ्चानल हुने कोर्समा ट्राइयाथलन र पौडीसँग सम्वन्धित २५ प्रशिक्षकहरुले अनलाइन कोर्समा सहभागिता जनाइरहेका छन् ।

नेपालमा पौडी सम्वन्धी प्राविधिक ज्ञान प्रदान गर्न अनलाइनमार्फत प्रशिक्षण प्रदान गर्न लागेको यो पहिलोपटक हो । प्रशिक्षार्थीहरुलाई वल्र्ड कोचेज एकेडेमीका संस्थापक निर्देशक एवं प्रशिक्षक युगिन लिले अनलाईन मार्फत प्रशिक्षण प्रदान गरिरहेका छन् । वल्र्ड कोचेज एकेडेमीले चीन, हङकङ, मलेसिया, इन्डोनेसिया, सिंगापुर र भारतमा सफलतापूर्वक कोर्स सञ्चालन गरिसकेको छ ।

नेपाल ट्राइयथलन संघका अध्यक्ष निलेन्द्रराज श्रेष्ठले छोटो समयमा नै विभिन्न अन्तर्राष्ट्रिय स्तरका खेलमा लगातार पदक हात पारिरहेका कारण नेपाल सुहाँउदो यस खेललाई नेपालमा आकर्षित गर्दै खेलकुद पर्यटनको रुपमा विकास गर्ने र नेपालमा नै दक्षिण एशियाको ट्राइयाथलन एकेडेमी निर्माण गर्ने उद्धेश्य रहेको बताए । गतवर्ष नेपालमै भएको १३औं दक्षिण एशियाली खेलकुद (साग) मा नेपालले ट्राइयथलनबाट दुई स्वर्ण, तीन रजत र एक कास्य जित्न सफल भएको थियो ।

ट्राइयाथलनका प्रमुख प्रशिक्षक समेत रहेका महासचिव युवराज सुनुवारले यस खेललाई अझ मजुवत बनाउँदै कोरोनाका कारण खेल गतिविधिबाट टाढा रहेको प्रशिक्षकहरुको स्तरवृद्धि गर्न यस कोर्सले निकै ठुलो मद्धत पुग्ने बताए ।