5 years ago
July 26, 2020
काठमाडौं (हाम्रो खेलकुद) – नेपाली ब्याडमिन्टन खेलाडी सानिया चन्द दुवईमा शुरु एयर ब्याडमिन्टन प्रतियोगिताको महिला एकलतर्फको सेमिफाइनलमा प्रवेश गरेकी छन् ।
पछिल्लो समय परिवारसँगै युएईमा बस्दै आएकी कञ्चनपुर महेन्द्रनगरकी सानियाले स्थानिय खेलाडीलाई पराजित गर्दै अन्तिम चारमा स्थान पक्का गरेकी हुन् । विश्व ब्याडमिन्टन फेडेरेसन (बिडब्लुएफ) ले २०१९ मा लन्च गरेको एयर ब्याडमिन्टन प्रतियोगिता युएइंमा पहिलोपटक भएको हो ।
सानियाले २०१९ मा दुवई जुनियर इन्टरनेसनल ब्याडमिन्टन सिरिजमा नेपाली युवा स्टार प्रिन्स दाहालसँग मिलेर मिक्स डबल्स्मा प्रतिस्पर्धा गरेकी थिइन् । मिक्स डबल्स्मा कास्य पदक हात पारेकी थिइन् । एयर ब्याडमिन्टन हल बाहिर खुल्ला ठाउँमा खेलिने खेल हो । यसका लागि विशेष आकृतिको रंगिन सेन्थेटिक सटलकक हुनेछ । नेपालमा यो खेल भित्रिसकेको छैन ।
यही प्रतियोगितामा सानियाका भाई साहिल चन्दले प्रतिस्पर्धा गरेपनि उनी पहिलो चरणबाटै बाहिरिएका छन् । यस प्रतियोगितामा नेपाली ब्याडमिन्टन अम्पायर ज्ञानु बरालले अम्पायरिङ गरिरहेकी छन् । सानिया चन्द आफ्नै काका हिक्मत चन्दको प्रशिक्षणमा खेलिरहेकी छन् ।
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
February 22, 2025
हेटौंडा (हाम्रो खेलकुद)- हेटौंडा उपमहानगरपालिका वडा नं १५ ले अनुपम घलान स्मृति नगरस्तरीय यू १६ फुटबल प्रतियोगिताको उपाधि जितेको छ । शनिबार भएको फाइनलमा वडा नं १८ लाई सडनडेथमा पराजित गर्दै वडा नं १५ ले उपाधि जितेको हो । निर्धारित समय र टाइब्रेकरमा समेत बराबरी भएपछि खेलको निर्णय सडन डेथमा भएको हो । सेमिफाइनलमा १५ […]
February 19, 2025
एजेन्सी – च्याम्पियन्स ट्रफीको पहिलो खेलमा पाकिस्तानले टस जितेको छ। न्युजिल्यान्ड विरुद्धको खेलमा टस जितेको पाकिस्तानले पहिले बलिङ गर्ने भएको छ। आयोजक पाकिस्तान प्रतियोगिताको साविक विजेता पनि हो।
