5 years ago
July 18, 2020
एजेन्सी – इंग्ल्यान्डको सबैभन्दा पुरानो र चर्चित एफए कपको सेमिफाइनलमा आज राति प्रिमियर लिग क्लब म्यानचेस्टर सिटी र आर्सनलबीच प्रतिस्पर्धा हुँदैछ । खेल वेम्बली रंगशालामा नेपाली समयअनुसार राति १२ः३० बजे प्रतिस्पर्धा हुँदैछ ।
एफए कपको सर्वाधिक १३ पटकको च्याम्पियन आर्सनल साविकको विजेता सिटीलाई पराजित गर्दै फाइनल पुग्ने दाँउमा हुनेछ । तर, आर्सनलको पछिल्लो खेलको प्रदर्शनमा एकरुपता आउन सकेको छैन । आर्सनल सिटीलाई हराएर एफए कपको उपाधिनजिक पुग्न चाहन्छ ।
यस्तै सिटी आर्सनललाई हराउदै लगातार दोस्रो सिजन एफए कपको उपाधि जित्ने लक्ष्यमा छ । सिटीले गत सिजन वाट्फोर्डलाई ६–० ले हराएर उपाधि जितेको थियो । पछिल्लो सात खेलमा आर्सनलसँग अपराजित सिटी सोही प्रदर्शनलाई निरन्तरता दिने अभियानमा हुनेछ ।
आर्सनलले क्वाटरफाइनलमा सेफिल्ड युनाइटेडलाई २–१ ले तथा सिटीले न्युकासल युनाइटेडलाई २–० ले हराएर सेमिफाइनलमा भेट पक्का गरेको थियो । सिटी र आर्सनलबीचको विजेताले फाइनलमा चेल्सी र म्यानचेस्टर युनाइटेडबीचको विजेतासँग खेल्नेछ ।
चेल्सी र युनाइटेडबीचको अर्काे सेमिफाइनल आइतबार राति हुनेछ । चेल्सीले लेष्टर सिटीलाई १–० ले तथा युनाइटेडले नर्विच सिटीलाई २–१ ले हराएर सेमिफाइनलमा स्थान बनाएको थियो ।
January 21, 2025
काठमाडौं(हाम्रो खेलकुद) – जय नेपाल कप क्रिकेटमा मंगलवार बंगलादेशको ढाका र मध्यपश्चिम विश्वविद्यालय विजयी भएका छन् । कीर्तिपुरस्थित टियु क्रिकेट मैदानमा भएको पहिलो खेलमा मध्यपश्चिम विश्वविद्यालयले भारतको दिल्ली विश्वविद्यालयलाई ६ विकेटले पराजित गरेको छ । ६० रनको सामान्य लक्ष्य मध्यपश्चिमले १०.३ ओभरमा ४ विकेट गुमाएर पूरा गर्यो । मध्यपश्चिमको जितमा दीपक डुम्रेले १६ बलमा २१ […]
January 21, 2025
काठमाडौं(हाम्रो खेलकुद) – एन्फा यु १६ लिग फुटबलको आज भएको विभागीय डर्बीमा एपिएफ क्लबले त्रिभुवन आर्मी फुटबल क्लब माथि सहज जित हासिल गरेको छ । सातदोबाटोस्थित एन्फा कम्प्लेक्समा मैदानमा मंगलवारको दोस्रो खेलमा एपिएफले आर्मीलाई १३-० को फराकिलो अन्तरले पराजित गरेको हो । दिनको पहिलो खेलमा थ्री स्टार विजयी भएको छ। थ्री स्टारले खुमलटारलाई ५-१ ले […]
January 19, 2025
काठमाडौं (हाम्रो खेलकुद)- सहिद स्मारक ए डिभिजन लिग विजेता चर्च ब्वाइज युनाइटेड र संकटा क्लबबिच नेपाली कांग्रेस सभापति कप फुटबल प्रतियोगिताको उद्घाटन खेल हुने भएको छ। नेपाली कांग्रेस, लोकतान्त्रिक खेलकुद संघ महाधिवेशन निर्देशन समिति २०८१ को आयोजना हुने नेपाली कांग्रेस सभापति कपको आइतवार खेल तालिका सार्वजनिक गरेको छ उद्घाटन खेल त्रिपुरेश्वरस्थित दशरथ रंगशालामा माघ १० […]
