एजेन्सी – इटालियन सिरी ‘ए’ मा आज (मंगलबार) राति ३१औं चरणको दुई खेलमा प्रतिस्पर्धा हुदैछ । शीर्षस्थानमा रहेको युभेन्टस र दोस्रो स्थानको लाजियोले आ–आफ्नो प्रतिद्वन्द्वीसँग प्रतिस्पर्धा गर्दैछन् ।

शीर्षस्थानमा रहेको युभेन्टसले एसी मिलानको सामना गर्दा लाजियोले लिससँग प्रतिस्पर्धा गर्नेछ । युभेन्टस र मिलानको खेल नेपाली समयअनुसार राति १ः३० बजे तथा लाजियो र लेच्चेबीचको खेल राति ११ः१५ बजे हुनेछ ।

लिग लिडर युभेन्टस मिलानलाई उसकै मैदान स्टेडियो गुइसेप्पी मियज्जा मिलानोमा पराजित गर्दै उपाधि यात्रालाई थप बलियो बनाउने लक्ष्यमा हुनेछ । पछिल्लो खेलमा लगातार गोल गरिरहेका सुपरस्टार फरवार्ड क्रिस्टियानो रोनाल्डो र पाउलो डिबाला मिलानविरुद्ध मुख्य हतियार हुनेछन् ।

यता, दोस्रो स्थानको लाजियोलाई उसकै मैदानमा ३–० ले हराएको मिलान घरेलु मैदानमा युभेन्टसलाई पराजित गर्दै अंक तालिका सुधार गर्ने लक्ष्यमा हुनेछ । भेट्रान फरवार्ड ज्लाटन इभ्राहिमोभिच र एन्टी रेविच नै टोलीको मुख्य हतियार हुनेछ ।

युभेन्टस २०१६ अक्टोवरयता १२ खेलमा मिलानसँग अपराजित छ । त्यतिबेला युभेन्टस १–० ले पराजित भएको थियो । तर, पछिल्लो दुई खेलमा युभेन्टसले मिलानलाई पराजित गर्न सकेको छैन । कोपा इटालियाको सेमिफाइनलको पहिलो लेगमा १–१ गोलको तथा दोस्रो लेगमा गोलरहित बराबरी खेलेको थियो ।

युभेन्टस मिलानविरुद्ध अपराजित यात्रालाई निरन्तरता दिने अभियानमा रहँदा मिलान २०१६ पछि जितको स्वाद चाख्न चहान्छ ।  शीर्षस्थानको युभेन्टसले ३० खेलबाट ७५ अंक रहँदा सातौं स्थानमा रहेको मिलानको ४६ अंक छ ।

यस्तै अर्काे खेलमा लाजियो लेच्चेलाई पराजित गर्दै अंक दुरी छोट्याउदै उपाधि यात्रालाई जीवितै राख्न चहान्छ । लाजियोको ३० खेलबाट ६८ अंक छ । लेच्चे२५ अंक जोडेर १८औं स्थानमा रहेको छ । लेच्चे पनि लाजियोलाई स्तब्ध पार्दै रेलिगेसन जोन छाड्ने योजनामा हुनेछ ।