दिपक बोहोरा
पाँचथर – प्रदेश १ सरकारले खेलकुदका लागि ३० करोड बजेट विनियोजन गरेको छ । अघिल्लो आर्थिक वर्षको तुलनामा यस आव मा प्रदेश एकमा केहि रकम घटेर आएको हो ।

अघिल्लो आर्थिक वर्षमा प्रदेश नम्बर एकमा आर्थिक वर्ष २०७६/०७७ मा खेलकुदका लागि ४७ करोड ५५ लाख रुपैयाँको बजेट बिनियोजन भएको थियो । आर्थिक मामिला तथा योजना मन्त्री इन्द्र आङबोले आर्थिक वर्ष २०७७/७८ का लागि बजेट प्रस्तुत गर्ने क्रममा खेलकुदका लागि ३० करोड रुपैयाँको बजेट नियोजन गरेका हुन् ।

प्रदेश सरकारले खेलकुदलाई विकास र बिस्तार गर्नको लागी खेलकुद बोर्ड गठन गर्ने योजना अगाडि सारेको छ । प्रदेश सरकारकारले स्थानिय तह सम्मका लागी खेलकुदका पूर्वाधारका लागी बजेट बिनियोजन गरेको छ ।

धरान उप महानगरपालिकालाई खेलकुद ग्रामको रुपमा बिकास गर्ने, विराटनगरको सहिद मैदानमा फ्लडलाइट निर्माण गर्ने लगायतको कार्यक्रम प्रदेश सरकाले अगाडी सारेको छ ।  अघिल्लो आ.वमा इटहरी रंगशालालाई प्रादेशिक रंगशाला र बैजनाथपुर अन्तराष्ट्रिय क्रिकेट मैदानमो रुपमा विकास गर्ने प्रदेश सरकारले लक्ष्य राखेको छ । ती दुई योजनाका लागि सरकारले १ करोड रुपैयाँ छुट्टाएको थियो ।

अधिल्लो आर्थिक वर्षमा प्रदेश सरकारले अखिल नेपाल फुटबल संघ (एन्फा) संग सहकार्य गर्दैे मुख्य मन्त्री कप आयोजना गरेको प्रदेश नम्बर एकले अघिल्लो वर्ष मुख्य मन्त्री प्रदेश लिगको लागी १ करोड रुपैया विनियोजन गरेको थियो ।