पिआरसी ओपन स्क्वास यसै साता

काठमाडौं (हाम्रो खेलकुद) – पशुपति रोड क्यारियर (पिआरसी) को मुख्य प्रायोजनमा पिआरसी ओपन स्क्वास प्रतियोगिता यसै साता आयोजना हुने भएको छ ।

नेपाल स्क्वास राकेट्स संघले बुधबार राजधानीमा पत्रकार सम्मेलनको आयोजना गर्दै प्रतियोगिता २३ देखि २७ फाुगनसम्म हुने जानकारी गराएको हो ।

पशुपति रोड क्यारियर (पिआरसी) ले यसअघि पनि स्क्पासको कार्यक्रमहरुलाई सहयोग गर्दै आइरहेको थियो । यसपटक प्रतियोगितालाई मुख्य प्रायोजन गरेको हो ।

प्रतियोगितामा पुरुष खुल्ला, महिला खुल्ला, मास्टर ४५ वर्ष तथा सो भन्दा माथि गरी तीन विधामा प्रतिस्पर्धा हुनेछ । प्रतियोगिताको लागि ६० भन्दा बढी खेलाडीको सहभागिता रहने र बेलायतको ब्रिटिस आर्मीका १० जनाको पनि सहभागिता रहने संघले जनाएको छ ।

यस्तै संघले १३औं सागमा टिम इभेन्ट्समा कास्यपदक जित्न सफल पुरुष खेलाडीहरु अरहान्त केशर सिंह, अमृत थापामगर, दिपक थापा मगर र अमिर ब्लोन तथा महिलामा कस्या जित्न सफल टोली कृष्णा थापा, भावना सुनुवार, विपना ब्लोन र स्वस्थानी श्रेष्ठलाई बधाई ज्ञापन गरेको छ ।