काठमाडौं (हाम्रो खेलकुद) – दोस्रो संस्करणको मदन भण्डारी स्मृति ठमेल रोड रेस प्रतियोगिता अर्काे साता आयोजना हुने भएको छ ।

रन क्लब नेपाल तथा मदन भण्डारी स्पोर्ट्स र्एकेडेमीको संयुक्त आयोजनामा रेस फागुन २४ गते हुने भएको हो । प्रतियोगितामा ५ किमी खुल्ला (महिला र पुरुष) , ५ किमी पुरुषतर्फ भेट्रान तथा ५ किमी स्कुल स्तरिय हुने छ ।

५ किमी खुल्ला रोडरेसको प्रथम हुने खेलाडीले २५ हजार, दोस्रो हुनेले १२ हजार र तेस्रोले ८ हजार प्राप्त गर्ने छन् । ५ किमी पुरुष भेट्रानको पहिलो हुने खेलाडीले १० हजार, दोस्रोले ५ हजार र तेस्रो हुनेले ३ हजार प्राप्त गर्ने छन् ।

स्कुलतर्फ ५ किमीको विजेताले १५ हजार, दोस्रोले ८ हजार र तेस्रोले ५ हजार प्राप्त गर्ने छन् । प्रतियोगितमा १५ सय खेलाडीले सहभागिता जनाउने आयोजकले जनाएको छ ।

नेपालका लागि पहिलो अन्तर्राष्ट्रिय पदक प्राप्त गर्ने धावक जित बहादुर केसी र कीर्तिमानी धावक बैकुण्ठ मानन्धर पनि सहभागि हुने आयोजकले जनाएको छ । यस प्रतियोगितालाई नेपाल एथलेटिक्स संघले मान्यता दिएको छ ।

एडिडासको आधिकारिक विक्रेता रुट्स फेसन प्रालिले वीर गणेशमान सिंह एडिडास १० किलोमिटर रोड रेस पनि फागुन २५ गते गर्दै छ । यस प्रतियोगिताबारे नेपाल एथलेटिक्स संघलाई कुनै जानकारी नरहेको जनाएको छ ।

रोड रेस लैनचौर फुटबल मैदानबाट शुरु हुनेछ ।