काठमाडौं (हाम्रो खेलकुद) – ढुकु फुटसलले तेस्रो संस्करणको महिला प्रिमियर लिग (एमपिएल) फुटसलको उपाधि जितेको छ । ६ साता चलेको लिगबाट १९ अंक जोड्दै ढुकु महला प्रिमियर लिगको च्याम्पियन बन्न सफल भएको हो । 

ढुकुले ७ खेलबाट १९ अंक जोड्यो । समान १९ अंक नै रहेपनि कुमारी फुटसल दोस्रो स्थानमा रह्यो  । १७ अंकसहित फुटसल एरिनाले तेस्रो तथा लाखुर १७ अंक नै जोडेर चौथो स्थानमा रह्यो । एबीसी फुटसलले १३ , दि माइथी महिलाजले ११ , एमयुएफसी फुटसलले ९ तथा बार्सा नेपालले ७ अंक जोडेर क्रमशः  पाँचौ, छैटौ,  सातौ र आठौ स्स्थाथानमा रह्यो ।

एक्सेल रिक्रिएसन सेन्टरम शनिबार भएको लिगको अन्तिम राउन्डमा ढुकुले एबीसी फुटसललाई १०-२ को भारी गोलअन्तरले  पराजित गर्‍यो । यस्तै कुमारीले फुटसल एरिनालाई ८-७ ले पाखा लगायो । दि माइथी महिलाजले एमयुएफसी फुटसललाई ४-० ले तथा लाखुरले बार्सा नेपाललाई १-० ले पराजित गर्‍यो ।

ढुकुकी मनिषा थापामगर र कुमारीकी पूजा रानामगर २१ गोलसहित सर्बाधिक गोलकर्ता बनिन् ।

दि वि युनाइटेडको आयोजनामा गत ४ माघबाट १० फागुनसम्म भएको प्रतियोगितामा ८ टोलीले प्रतिस्पर्धा गरेका थिए । हरेक ८ टोलीले एक अर्कासँग प्रतिस्पर्धा गरेको थियो । लिगमा एबिसी फुटसल, ढुकु फुटसल, बार्सा नेपाल, एमयुएफसी फुटसल, कुमारी फुटसल, लाकुर फुटसल, फुटसल एरेना र दि माइथी महिलाजले प्रतिस्पर्धा गरेका थिए ।

लिगका खेलहरु खेल हरेक साताको शनिबार ग्रासरुट रिक्रिएसन सेन्टर, मन्डिखाटार र बालुवाटारको एक्ससेल फुटसलमा सञ्चालन भएको थियो ।  विजेतालाई नगद पुरस्कार नभई आकर्षक पुरस्कार प्रदान गरिएको आयोजक तथा प्रतियोगिता संयोजक सिलिका शाक्यले जानकारी गराइन् । लिगलाई युरोपियन युनियनले मुख्य प्रायोजन गरेको छ ।