धरान (हाम्रो खेलकुद) – सन्तोषी श्रेष्ठ र तीर्थ पुनले आठौं नेवा च्यारिटी प्रभु बैंक धरान १० के रनको उपाधि जितेको छ । खुल्लातर्फ पुरुषमा तीर्थ र महिलामा सन्तोषी च्याम्पियन बन्न सफल भएकी हुन् ।

तीर्थले ३१ मिनेट २५ सेकेण्डमा निर्धारि दुरी पुरा गरे । धरान १० के रनमा तीर्थ पाँचौपटक च्याम्पियन बनेका हुन् । भारतीय सेनाका तीर्थ तेस्रो सँस्करणदेखिको लगातार च्याम्पियन बन्न सफल भइरहेका छन् । एपिएफका लक्ष्मण मल्लले ३१ मिनेट ३३ सेकेण्डमा दुरी पार गर्दै दोस्रो तथा एपिएफकै खिमबहादुर खत्रीले ३१ मिनेट ३५ सेकेण्डमा दुरी पार गर्दै तेस्रो स्थान हासिल गरे ।

महिलातर्फ सन्तोषीले निर्धारित दुरी ३४ मिनेट २३ सेकेण्डमा पार गरिन् । दोस्रोपटक च्याम्पियन बनेकी सन्तोषी यसअघि चौथो संस्करणमा विजेता बनेकी थिइन् । राममाया पुनले ४० मिनेट ३४ सेकेण्डमा दुरी पार गर्दै दोस्रो तथा छेम्बी राईले ४२ मिनेट २ सेकेण्डमा दुरी पार गर्दै तेस्रो भइन् । महिला र पुरुष दुवै तर्फका विजेताले ५० हजार हात पारे । दोस्रो र तेस्रो भएकाले क्रमश ३० हजार र २० हजार रुप्ैया प्राप्त गरे ।

१६ बर्षमुनकिो स्पर्धामा महिलातर्फ बन्दना बुढा पहिलो, क्रिष्टिना राई दोस्रो र प्रसंशा वन तेस्रो भइन् । पुरुषतर्फ किरण लिम्बु प्रथम, सियन राई दोस्रो र रोजन राई तेस्रो भए । यस्तै, भेट्रानतर्फको पुरुषमा दिलबहादुर श्रेष्ठ प्रथम, धर्म मर्हजन दोस्रो र सुवर्ण सुब्बा तेस्रो भए । महिलातर्फ छिरिङ लमु प्रथम, भीममाया राई दोस्रो र गीतादेवी लिम्बु तेस्रो भइन् ।

१२ बर्ष मुनि ३ किमी पुरुषमा अनिष लिम्बु प्रथम, सुजन राई दोस्रो र दिवस राई तेस्रो भए । महिलामा प्रश्ना भण्डारी प्रथम, इसिका तामाङ दोस्रो र कुसुम राई तेस्रो भइन् । १६ वर्षमुनि, १२ बर्षमुनि र भेट्रानतर्फका प्रथम, दोस्रो र तेस्रो खेलाडीहरुले क्रमशः नगद ७ हजार, ५ हजार र ३ हजार रुपैया प्राप्त गरे ।

विजेताहरुलाई धरान रनका संस्थापक अध्यक्ष सन्तोष राई, धरानका मेयर तिलक राई, पुर्व मिस नेपाल २०१८ श्रृंखला खतिवडालगायतले पुरस्कृत गरे ।