सेरेनाले सातौं पटक विम्बल्डन जितिन्, ग्राफको कीर्तिमानसँग बराबरी

लन्डन (एजेन्सी)– विश्व नम्बर एक सेरेना विलियम्सले चौथो वरियताकी जर्मन एन्जेलिकी केरबेरलाई हराउँदै सातौं पटक विम्बल्डन टेनिसको उपाधि जितेकी छिन् । सेरेनाको त्यो २२ औं ग्रान्डस्लाम उपाधि हो । ३४ बर्षे सेरेनाले सेन्टर कोर्टमा केरबेरलाई ७–५,६–३ को सोझो सेटमा हराउँदै महत्वपूर्ण प्रतियोगितामा स्टेफि ग्राफका कीर्तिमान उपाधिसँग बराबरी गरेकी हुन् ।

सातौं पटक विम्बल्डन जितेपछि अमेरिकी सेरेना विलियम्स ।

सेरेनालाई जनवरीमा अस्टे«लियन ओपनको फाइनलमा स्तब्ध बनाएकी केरबेरले यसपटक त्यो नतिजालाई दोहोराउन सकिनन् । सेरेना यसअघि फ्रेन्च ओपनको फाइनलमा पनि पराजित भएकी थिइन् ।
१४ बर्षअघि पहिलो पटक विम्बल्डन जितेकी सेरेनाले सातौं पटक उपाधि जित्दा एउटा मात्र सेट गुमाएकी थिइन् । उनले यसअघि सन् २०००,२००२,२००८,२००९,२०१२,२०१५ मा विम्बल्डन जितेकी थिइन् । अस्ट्रेलियन ओपन र युएस ओपन समान ६ पटक जितेकी सरेनाले तीन पटक फ्रेन्च ओपन उपाधि उचालेकी छिन् । उनले २२ औ उपाधि जितेपछि भनिन्,‘यो उपाधि नजित्ने विषयमा सोच्दा पनि कठिन हुन्थ्यो । यसको लागि मैले धेरै मेहनत गरेको छु ।’ अस्ट्रेलियन मार्गारेट कोर्टले सेरेना र ग्राफभन्दा बढी २४ ग्रान्डस्लाम जितेकी छिन् ।

सेरेनाले सातौं पटक विम्बल्डन जितिन्, ग्राफको कीर्तिमानसँग बराबरी

Latest News

Popular News

General

इटाली र फ्रान्स नेसन्स लिगको क्वाटरफाइनलमा

विराटनगर किंग्सको ट्यालेन्ट हन्ट बिर्तामोडमा

जापानसँग नेपालको हार

चर्चित खेलहरु:

उपयोगी लिङ्कहरू

सम्पर्क

सामाजिक संजाल