काठमाडौं(हाम्रो खेलकुद) – आईसीसी विश्वकप लिग २ अन्तर्गत घरेलु मैदानमा हुने ओमान र अमेरिकासँगको त्रिकोणात्मक सिरिजको लागि नेपाल क्रिकेट संघले सुरुवाती २४ नेपाली राष्ट्रिय क्रिकेट टोली घोषणा गरेको छ ।

बन्द प्रशिक्षणको लागि घोषणा गरेको २४ खेलाडीमा लोकेश बमले पहिलो पटक मौका पाएका छन् । पोखरा प्रिमियर लिगमा लोकेशले उत्कृष्ट प्रर्दशन गरेका थिए । युवा ब्याट्सम्यान लोकेश बमले पीपीएलमा विराटनगर टाइटन्सबाट चितवन राइनोजबिरुद्ध ३६ बलमा ५ चौका र ५ छक्का सहित ६२ रन जोड्दै सनसनी मच्चाएका थिए ।

टोलीमा सुवास खकुरेलले पुनरागमन गरेका छन् भने टालीमा पुरानै अनुहार रहेका छन् । माघ २२ देखि २९ सम्म टियु क्रिकेट मैदानमा हुने उक्त सिरिजको लागि क्यानले शुक्रबार नाम सार्वजनिक गरेको छ । नेपाली टोलीले बन्द प्रशिक्षण पोखरामा गर्ने छ ।

नेपाली टोली :

ज्ञानेन्द्र मल्ल (कप्तान), आरिफ शेख, दीपेन्द्र सिंह ऐरी, अभिनास बोहरा, विनोद भण्डारी, करण केसी, कुशल भुर्तेल, ललित नारायण राजवंशी, पारस खड्का, पवन सरार्फ, कमलसिंह ऐरी, रोहित कुमार पौडेल, सोमपाल कामी, सन्दीप जोरा, सुशन भारी, शरद भेषावकर, सन्दीप लामिछाने, सुवास खकुरेल, सुनिल धमला, कुशल मल्ल, वसन्त रेग्मी, किशोर महतो, लोकेश बम, सुमित महर्जन