काठमाडाैं (हाम्राे खेलकुद) – कतार एयरवेज सहिद स्मारक `ए´ डिभिजन लिग फुटबलमा रुस्लान थ्री स्टार क्लब र प्रभु जावलाखेल युथ क्लबको खेल गाेलरहित बराबरीमा टुंगिएको छ ।

सातदाेबाटाेस्थित एन्फा कम्प्लेक्सकाे खेल मैदानमा भएकाे प्रतिस्पर्धात्मक खेलमा दुवै टाेलीले पाएकाे केही माैकालाई सदुपयाेग गर्न सकेन । ११ औं मिनेटमा जावलाखेलले अग्रता लिने सुन्दर माैका खेर फालेकाे थियाे ।

सुजित बुढाथाेकीकाे क्रस पासमा डिफेन्डर अनन्त तामाङ बिट भएपनि विजय घलानकाे प्रहारले पाेष्टकाे दिशा लिन सकेन । १६ औं मिनेटमा थ्रीस्टारका रुपेश केसीकाे बक्स बाहिरकाे प्रहार गाेलरक्षक टेकेन्द्र थापाले सहजै बचाए ।

२७ औं मिनेटमा विजय घलानकै पासमा फाेडे फाेफानाकाे हेडर पाेस्टबाट थाेरै बाहिरियाे । ३५ औं मिनेटमा कप्तान बिक्रम लामाकाे फ्रिकिक गाेलरक्षकले मुस्किलले बचाउदा थ्री स्टार अग्रता लिनबाट चुकेकाे थियाे । ३८ औं मिनेटमा मिक्छेन तामाङले बक्सभित्रबाट गाेलकाे सुन्दर अवरसर खेर फाल्याे । उनकाे प्रहार बाहिरिएकाे थियाे ।

दोस्रो हाफको सुरुवाती समयमा थ्री स्टारले थप आक्रामक खेलेपनि गोल गर्न सकेन । वैकल्पिक खेलाडीका रूपमा मैदान छिरेका फरवार्ड विजय भुजेलले ६९ अौं मिनेटमा थ्री स्टारलाई अग्रता दिलाउनबाट चुके । सुशील राईको कटब्याकमा गोलरक्षक बिट भइसकेको अवस्थामा विजयले खाली पोस्टमा गोल गर्न सकेनन् ।

यससँगै दुवै टोलीले लिगमा १-१ अंक बाँडेका छन् । लिगको दोस्रो चरणको खेल बिहीबारदेखि सुरु हुनेछ ।