काठमाडौं (हाम्रो खेलकुद) – प्रथम दक्षिण एसियाली यू–१६ नेटबल च्याम्पियनसिपको सेमीफाइनल समीकरण पूरा भएको छ । लिग चरणका दुई खेल बाँकी छँदै सेमिफाइनल पुग्ने सबै टोलीको टुंगो लागेको हो । आयोजक नेपालसँगै भारत, श्रीलंका र माल्दिभ्स अन्तिम चारमा पुग्न सफल भए ।

अब सेमिफाइनलमा नेपाल र श्रीलंका तथा भारत र माल्दिभ्सबीच खेल हुनेछ । सेमिफाइनलमा पुग्नेमा श्रीलंका अपराजित एक्लो टोली हो । भारत र माल्दिभ्सले १–१ तथा नेपालले दुई खेलमा हार बेहारेको छ । प्रतियोगिताबाट बाहिरिएको पाकिस्तान जितविहीन छ ।

लगनखेलस्थित सैनिक शारीरिक तथा तालिम केन्द्रमा शनिबार भएको पहिलो खेलमा श्रीलंकाले पाकिस्तानलाई ६८–६ को फराकिलो अन्तरले पराजित ग¥यो । एकपक्षीय खेलमा श्रीलंकाकी हिरोनी हिसानीले १८ अंक जोडिन् । यस खेलमा श्रीलंकाकी रिसिनी प्लेयर अफ दी म्याच घोषित भइन् ।

शनिबार नै भएको अर्को खेलमा भारतले घरेलु टोली नेपाललाई ४२–१८ ले पराजित ग¥यो । १६ अंक जोडेकी भारतकी अन्सुले प्लेयर अफ दी म्याचको पुरस्कार पाइन् । अर्को खेलमा श्रीलंकाले माल्दिभ्सलाई ६०–१६ स्कोरले पराजित ग¥यो । श्रीलंकालाई विजयी गराउन महत्वपूर्ण भूमिका खेलेकी नेथमी विजनायके प्लेयर अफ दी म्याच बन्न सफल भइन् । उनले २४ अंक बटुलिन ।

अर्को खेलमा भारतले पाकिस्तानलाई ५६–५ को फराकिलो अन्तरले पराजित ग¥यो । भारतलाई विजयी बनाउन अञ्जलीले २६ अंकको योगदान दिइन् । यस खेलमा भारतकी मानवी सोनी प्लेयर अफ दी म्याच बनिन् । ने

पालमा पहिलोपटक आयोजना भएको च्याम्पियनसिपको फाइनल कार्तिक ५ गते हुनेछ ।