5 years ago
October 12, 2019
काठमाडौं (हाम्रो खेलकुद) – माल्दिभ्समा सम्पन्न दक्षिण एसिया जुनियर यू–२१ ब्याडमिन्टन च्याम्पियनसिपका पदक विजेता प्रिन्स दाहालसहितको युवा ब्याडमिन्टन टोली आज स्वदेश फर्कने भएका छन् ।
नेपाली युवा टोली अपरान्ह ४ः४० बजे त्रिभुवन अन्तर्राष्ट्रिय विमानस्लथमा आइपुग्ने ब्याडमिन्टन एशियाका अम्पायर तथा बिश्व ब्याडमिन्टन महासंघ (बिडब्लुएफ) का लाईन जज उदय कुमार अर्यालले जानकारी गराए ।
नेपाली टोली शनिबार छिट्टै आइपुग्ने कार्यतालिका रहेपनि केही ढिला हुन पुगेको हो । नेपाली टोली अहिले दिल्ली एयरपोर्टमा ट्रान्जिटमा रहेका छन् ।
दक्षिण एसिया जुनियर यू–२१ ब्याडमिन्टन च्याम्पियनसिपमा नेपालले एक रजत र तीन कास्यपदक हात पारेको थियो । जुनियर ब्याडमिन्टनमा नेपालले यति धेरैपदक एकैपटक हात पारेको हो ।
नेपालका लागि ब्याडमिन्टनका युवा स्टार प्रिन्स दाहालले पुरुष एकलमा रजत पदक हात पारेका थिए । मिक्स डबल्समा प्रिन्स, प्रफुल महर्जन, जेसिका गुरुङ र सीमा राजवंशीको जोडीले कास्यपदक जितेको थियो । यस्तै मिक्स टिम च्याम्पियनसिपमा पनि नेपालले कास्यपदक नै जितेको थियो ।
प्रिन्सले पछिल्लो केहि वर्षयता जुनियर र सिनियर स्तरमा उच्च प्रदर्शन गर्दै आइरहेका छन् । १३औं दक्षिण एसियाली खेलकुद (साग( का लागि समेत छनोट भएका प्रिन्सले अन्नपूर्ण नेपाल अन्तर्राष्ट्रय ब्याडमिन्टन सिरिजमा कास्य तथा दुवई ओपनमा यू–१९ च्याम्पियनसिपमा स्वर्णपदक जितेका थिए ।
टोलीमा प्रिन्ससहित, प्रफुल महर्जन, रुकेश मर्हजन, रसिला मर्हजन, जेसिका गुरुङ र सिमा राजवंशी छन् । प्रशिक्षकमा किरण थापा र व्यवस्थापकमा नेपाल ब्याडमिन्टन संघका सचिव नविनविक्रम शाह रहेका छन् । नेपाली टोली १६ असोजमा त्यसतर्फ प्रस्थान गरेका थिए ।
February 23, 2025
काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]
February 22, 2025
हेटौंडा (हाम्रो खेलकुद)- हेटौंडा उपमहानगरपालिका वडा नं १५ ले अनुपम घलान स्मृति नगरस्तरीय यू १६ फुटबल प्रतियोगिताको उपाधि जितेको छ । शनिबार भएको फाइनलमा वडा नं १८ लाई सडनडेथमा पराजित गर्दै वडा नं १५ ले उपाधि जितेको हो । निर्धारित समय र टाइब्रेकरमा समेत बराबरी भएपछि खेलको निर्णय सडन डेथमा भएको हो । सेमिफाइनलमा १५ […]
February 19, 2025
एजेन्सी – च्याम्पियन्स ट्रफीको पहिलो खेलमा पाकिस्तानले टस जितेको छ। न्युजिल्यान्ड विरुद्धको खेलमा टस जितेको पाकिस्तानले पहिले बलिङ गर्ने भएको छ। आयोजक पाकिस्तान प्रतियोगिताको साविक विजेता पनि हो।
