सुन्दै छु आगामी जेष्ठ ३० गते बाबुराम भट्टराईले आफ्नो नयाँ पार्टी स्थापना घोषणा कार्यक्रममा गर्दै छन् रे! तर पार्टी स्थापना घोषणा गर्ने स्थान भने टिठलाग्दो छ| नेपालमा भएको एकमात्र रंगशाला, जसमा भूकम्प गएको करिब एक वर्ष पछि पहिलोपटक फुटबलको प्रतियोगिता हुन लागिरहेको छ, त्यसै दिनमा नयाँ शक्तिको पार्टी स्थापना घोषणा हुने रहेछ|

रंगशाला स्थित खेल मैदानमा खेल खेल्ने बाहेक सबै कार्य भइरहेको छ, जबकी देशलाई एकतृत बनाउन खेलकुद बाहेक अरु सायदै कुनै कारण देखिएको होला| कुनै महोत्सव आयोजना होस् या पार्टीको कार्यक्रम, टुँडिखेल खाली हुदांहुदै पनि रंगशाला प्यारो भएको छ| झन् नयाँ पार्टीको नयाँ सोच हुनुपर्नेमा उही पुरानो प्रवृति देखाएर सुरुवात भएपछि जनताले आशा गर्ने के?

आगामी जेष्ठ २९ गतेदेखि अखिल नेपाल फुटबल संघले १८ वर्ष मुनिका टोलीहरुको लिग प्रतियोगिता आयोजना गर्दैछ| त्यसबाहेक रंगशालामा हुने दैनिक अभ्यास र खेलकुदका कार्यक्रमलाई त असर पर्ने नै भयो| त्यसैले, नयाँ शक्तिलाइ एक खेलप्रेमीको नाताले यो अनुरोध छ कि खेल स्थललाई खेलमै सिमित राखेर बिना कुनै चलखेल स्वतन्त्र र निर्वाध रुपमा चल्न दिनुहोस|

खेलकुद संघहरुको निकै कसरत पछि प्रयोग गर्न लायक भएको रंगशालाको खेल मैदानमा राजनीतिक कार्यक्रम गर्नाले सबै मिहेनतमा बालुवामा पानि राखेजस्तै बेकार जान्छ, के नयाँ शक्तिले आफुलाई बेग्लै स्थानमा उभ्याउन विगतका समस्या सुल्झाउदै लैजानु पर्ने हैन?

नयाँ शक्तिको पुरानै प्रवृत्ति भएजस्तो जनतालाई भान हुनेछ, त्यसैले आफैं बाट परिवर्तन ल्याएर नयाँ शक्तिको राम्रो उदाहरण दिनुहोला!

जय खेल! जय नेपाल!

– खेलप्रेमी द वन