काठमाडौं (हाम्रो खेलकुद) – आयोजक न्यु समिट कलेजले दोश्रो टीयू बीएससी सीएसआईटी अन्तरकलेज बास्केटबल प्रतियोगितामा दोहोरो उपाधि जितेको छ ।

शनिवार भएको पुरुषतर्फको फाइनलमा आयोजक न्यु समिटिले बर्नहार्ट कलेजलाई तथा महिलातर्फ एशियन स्कुल अफ मेनेजमेन्ट एण्ड टेक्नोेलोजी(एएसएमटी) कलेजलाई हराउदै दोहोरो उपाधि जितेको हो ।

पुरुषतर्फ बनहार्टलाई ४३–३७ को स्कोरमा हराउदै च्याम्पियन बन्यो भने महिलातर्फ न्यु समिटले एएसएमटी कलेजमाथी ९–८ को कठिन जित निकाल्दै उपाधि चुम्यो । न्यु समिटका लागि पुरुषको जितमा समिर तामाङले सर्वाधिक २२ स्कोर गरे । समिर नै प्रतियोगिताको उत्कृष्ट खेलाडी चुनिए ।

महिलातर्फ कोे जितमा न्यु समिटकी सारिसा धिमिरेको सर्वाधिक ५ स्कोरको योजदान रह्यो । सारिसानै प्रतियाोगिताको उत्कृष्ट खेलाडी चुनिईन् । प्रतियोगिता अवधिभर ८२ स्कोर गदै न्यु समिटका सुसान्त धिमिरेले हाईस्कोेर को उपाधि पाए । महिलातर्फ एएसएमटी कलेजकी मुना तामाङले १८ स्कोर गदै हाईस्कोेरको उपाधि जितिन् ।

प्रतियोगिताको पुरुषतर्फको बिजेताले नगद ५० हजार र उपबिजेताले २५ हजार प्राप्त गर्दा महिलातर्फको बिजेताले १५ हजार र उपबिजेताले १० हजार नगद प्राप्त गरे । बिजेता टिम तथा खेलाडीलाई राष्ट्रिय खेलकुद परिषद्कका सदस्य सचिव रमेशकुमार सिलवाल र आयोजक कलेज न्यु समिटका प्रिन्सिपल डा. शिवदत्त ज्ञावलीलगायतले पुरस्कृत गरे ।