काठमाडौं (हाम्रो खेलकुद) – अखिल नेपाल फुटबल संघ (एन्फा) अन्तरगतको फुटसल कमिटिले राष्ट्रिय फुटसल टोलीका लागि दोस्रो चरणमा २५ खेलाडी छनोट गरेको छ ।

फुटसलका मुख्य प्रशिक्षक विष्णु गुरुङ र प्रशिक्षक गौरव बस्नेतले प्रारम्भिक चरणमा रहेका ३७ सदस्यीय टोलीबाट १२ खेलाडी कटौती गरेको हो ।

३७ खेलाडीले भदौ ५ गतेबाट बन्द प्रशिक्षण शुरु गरेका थिए । आशिष कपाली, सन्दीप कार्की, विश्वजित राई, एलिक तामाङ, प्रवेश जोशी, दिपेश श्रेष्ठ, क्रिजल खड्का, मनिष सेढाई, सन्जय राजवहाक, विजय बोहरा, हिमसेल जिसी र मनोज तामाङले दोस्रो चरणमा स्थान बनाउन सकेनन् ।
२० भदौसम्ममा १४ सदस्यीय टोलीको अन्तिम छनोट गरिनेछ । त्यसरी तयार हुने टोलीले अर्को वर्ष हुने एएफसी फुटसल च्याम्पियनसिपको छनोट खेल खेल्नेछ । छनोट खेल इरानमा अक्टोबरमा हुनेछ । सेन्ट्रल र साउथ जोन अन्तरगत छनोटमा नेपाल ताजिकिस्तान, उज्वेकिस्तान र अफगानिस्तान रहेको समूह ‘ए’ मा रहेको छ ।

नेपालले पहिलो खेलमा ताजिकिस्तानसँग अक्टोवर २३ मा खेल्नेछ । २४ अक्टोवरमा उज्वेकिस्तान र २५ अक्टोवरमा समूहको अन्तिम खेलमा अफगानिस्तानसँग खेल्नेछ । राउन्ड रोविनपछि ६ वटा समूहका विजेता टोलीले फाइनल चरणमा प्रवेश पाउनेछन् । आयोजक राष्ट्रको हैसियतमा तुर्केनिस्तानले सोझै फाइनल चरण खेल्नेछ ।

दोस्रो चरणमा छनोट भएका खेलाडी
१.आदिल हामिद, २.आषिश लामा, ३.अभय राना, ४.अमित लामा, ५.अनिश श्रेष्ठ, ६.अरुज सिंह , ७.विजय गुरुङ, ८.विजय श्रेष्ठ, ९.बिनोद गुरुङ, १०.दिपेश घले , ११.जेनिस प्रजापती , १२.मनि लामा, १३.मिसन लामा, ४.नबिन लामा, १५.नेत्र बहादुर श्रेष्ठ, १६.निर्मल गुरुङ, १७.रविचन्द्र थापा, १८.राफी महर्जन, १९.रुपेश क्षेत्री , २०.सन्जोक चाम्लिङ राई, २१.सरोज तामाङ, २२.सुरज गुरुङ, २३.सुशान्त श्रेष्ठ, २४.सुमित आले, २५.उर्जेन शेर्पा