पोखरा (हाम्रो खेलकुद) – नवआदर्श सामुदायिक विकास समाजको आयोजनामा लामाचौरमा तीज अवसरमा राष्ट्रिय महिला भलिबल प्रतियोगिता हुने भएको छ ।

२३औं लामाचौर तीज महोत्सव २०७६ अवसरमा आया्जना गर्न लागेको प्रतियोगितामा साविक विजेता विभागीय नेपाल एपीएफ क्लब सहति ६ टोलीको सहभागिता रहने सशस्त्र प्रहरी बल (एपीएफ) सहित ६ टिमको सहभागिता रहने आयोजक नवआदर्श सामुदायिक विकास समाजले मंगलवार पत्रकार सम्मेलनमार्फत जानकारी गराएको छ ।

प्रतियोगितामा एपीएफसहित, नेपाल प्रहरी क्लब, होङग्वान्जी न्यू डायमण्ड एकेडेमी, चितवन टाईगर्स, जावलाखेल भलिबल प्रशिक्षण केन्द्र र पश्चिमाञ्चल भलिबल टिम सहभागि हुने भएको महोत्सवका प्रचार संयोजक बुद्धिबहादुर खत्री क्षत्रीले बताए ।

तीज महोत्सव भदौ १२ देखि १६ सम्म चल्ने भएपनि भलिबल प्रतियोगिता हुने भएपनि खेलहरु १४ गतेदेखि शुरु हुने आयोजकले जनाएको छ ।

प्रतियोगिताको विजेताले १ लाख, उपविजेतालाई ६५ हजार र तेश्रोेलाई २५ हजार साथमा शील्ड, मेडल र प्रमाणपत्र वितरण गरिने आयोजकले जनाएको छ । उत्कृष्ट खेलाडीलाई आकर्षक गिफ्ट ह्याम्पर प्रदान गरिने भएको छ ।

भलिबल खेल संचालन गर्नको लागि समाजलाई करिब १९ लाख रुपैयाँ आर्थिक भार हुने गरेको खेल संयोजक सुशीलकुमार श्रेष्ठले बताए ।

संस्थाका अध्यक्ष कमलबहादुर थापाले मेला पछिल्लो समय महोत्सवमा रुपान्तरण हुँदा लाख बढी दर्शक भित्रिने गरेकोे बताए । उक्त अवसरमा एकता बुक्स अन्तरविद्यालय छात्रा भलिबल प्रतियोगिता समेत हुनेछ ।

प्रतियोगिताको आठौं संस्करण शुरु हुन लाग्दा न्यु डायमन्डले लगातार चारपटक उपाधि जितेको छ । तीनपटक एपीएफ च्याम्पियन बनेको छ ।

पहिलो संस्करणमा एपीएफ च्याम्पियन बनेको थियो । त्यसपछि लगातार चारपटक न्यु डायमन्ड च्याम्पियन बन्दा पछिल्लो दुई संस्करणमा एपीएफले डायमन्डलाई नै पराजित गर्दै उपाधि जितेको थियो ।