काठमाडौं (हाम्रो खेलकुद) – भारतको गुजरातमा जारी छैटौं एसियाली विद्यालय टेबलटेनिस च्याम्पियनसिपको टिम इभेन्टमा नेपालको गल्र्स र ब्वाइज दुवै टोलीले हार बेहोरेका छन् ।

गल्र्सतर्फ नेपाली टोली थाइल्यान्ड, हङकङ र इन्डोनेसियासँग समान ३–० ले पराजित भएको हो । पराजित भएको हो । ब्वाइजमा नेपाली टोली थाइल्यान्ड र भारतसँग समान ३–० ले पराजित भएको हो ।

गल्र्स टिम च्याम्पियनसिपमा नेपाली खेलाडीले बलियो राष्ट्रका खेलाडीविरुद्ध बलियो चुनौती दिन सकेन । इभाना थापामगर थाइल्यान्डका पोनकोनोक माउनग्वानसँग ३–१ को सेटमा पराजित भइन् । वियन्का राई नानापाट कोलासँग ३–१ को सेटमा तथा समिरा श्रेष्ठ नाट्यसँग ३–० को सेटमा पराजित भइन् । इभाना हङकङकी लि टुङसँग, वियन्का फुङ वाई चुकसँग र समिरा वान होङ टुङसँग समान ३–० को सेटमा पराजित भइन् ।

इभाना इन्डोनेसियाका डिवी ओक्ता भियनीसँग तथा समिरा अन्ना डुङजियोसँग समान घ–० को सेटमा पराजित हुदा वियन्का सिस्कासँग ३–२ को सेटमा पराजित भइन् । वियन्काले शुरुवाती दुई सेट आफ्नो पक्षमा पारेर पनि त्यसलाई जोगाउन सकिनन् ।

ब्वाइजतर्फ संयोग कपाली थाइल्यान्डका क्वानदनाईसँग, विशाल गोले पोरापाट र रुविन महर्जन पुन्नापाटसँग समान ३–० को सोझो सेटमा पराजिच भए । यस्तै अर्काे खेलमा संयोग भारतका चित्राक भट्टसँग, विशाल आकाश पलसँग र सुजन गडाल तमाल बल्लभसँग समान ३–० को सेटमा नै पराजित भए ।

नेपालले अब मिक्स डबल्स, ब्वाइज र गल्स डबल्स तथा ब्वाइज र गल्र्स सिंगल्स खेल्न बाँकी छ ।
अगष्ट १३ देखि २१ तारिखसम्म हुने च्याम्पियनसिपमा सहभागी हुन ९ खेलाडीसहित १३ सदस्यीय नेपाली टोली शनिबार भारतको गुजरात प्रस्थान गरेको थियो । टोली प्रमुखमा विशाल खड्का तथा प्रशिक्षकमा पुरुषोत्तम वज्राचार्य, सिक्का सुवाल श्रेष्ठ र एलेक्स महर्जन रहेका छन् ।