नेगम्बो (हाम्रो खेलकुद) – नेपाल बाईलेटरल सिरिज खेल्न श्रीलंका पुगेको नेक्सस क्रिकेट एकेडेमी (एनसीए) पहिलो मैत्रीपूर्ण खेलमा सेन्ट सेबस्टेन्स स्कुल तथा क्रिकेट एकेडेमीसँग ५६ रनले पराजित भएको छ ।

बासुलीका क्रिकेट एकेडेमीको निमन्त्रणामा श्रीलंका पुगेको एनसीए बासुलीका क्रिकेट एकेडेमी ५० ओभरको ३ दिने श्रीलंका (नेपाल बाईलेटरल सिरिज खेल्नु अघि श्रीलंकाका बिभिन्न प्रतिष्ठित स्कुल तथा एकेडेमीहरू संग ४ मैत्रीपूर्णखेल खेल्ने छ ।

सोमबार टस जितेर पहिला ब्याटिङ थालेको सेन्ट सेबस्टेन्सले ३४.३ ओभरमा अल आउट हुँदै २ सय १७ रनमा समेटिएको थियो। उसका लागि ब्याट्सम्यान दुलाजले सर्वाधिक ७७ रनको योगदान दिए । सेनुराले ३४ र सेभोनले २६ रन जोडे । एनसीएका हरिश केसीले ३ बिकेट, सार्थक न्यौपाने र अभिशेक कुवर ले समान २ विकेट लिए । रमेश बुढा, सुमित बुढाथोकी र एहसान शेखलेको नामा १–१ विकेट रह्यो ।

२ सय १८ रनको लक्ष्य पछ्याएको एनसीए ३०.१ ओभरमा अल आउट हुँदै १ सय ६१ रनमा समेटियो । कप्तान उत्तम थापा मगरले ४८, रमेश बुढाले २५, अविषेश बुढाथोकी १५,अभिशेक कुवर १६, रोचक यादब १२, इन्द्र देउबा ९ र रोशन शाहले ८ रन जोडे । त्यस्तै हरिश केसी ७, सुमित बुढाथोकी ६,हिमाल न्यौपानेले ५ र एहसान शेखले ५ रनमा आउट भए । सेन्ट सेबस्टेन्सका सुतुम ले ४ विकेट लिए । सम्पथले ३ र सुनेराले २ विकेट लिए ।