काठमाडौं (हाम्रो खेलकुद) – रेगन श्रेष्ठ सर्वाधिक धनराशिको ‘प्रथम चामुन्डा अल नेपाल स्नुकर च्याम्पियनसिप’को च्याम्पियन बनेका छन् ।

बौद्धस्थित चामुन्डा स्पोर्टस् क्लबको स्नुकर हाउसमा शनिबार भएको फाइनलमा रेगनले राजेन लामालाई ७–४ को फ्रेममा पराजित गर्दै च्याम्पियन बन्न सफल भएको हो ।

उपाधिसँगै रेगनले २ लाख रुपैया हात पा¥यो । दोस्रो भएको राजेनले ७५ हजार रुपैयामा चिक्त बुझायो । सेमिफाइलमा पराजित सोम लामा र निर्मान बोगटीले समान ३०–३० हजार रुपैया पाए ।

च्याम्पियनसिपमा दोस्रो भएका राजेन लामाले हाइएस्ट ब्रेक गर्दै ३० हजार रुपैया पाए । उनले ८१ स्कोर गरेका थिए । दोर्जे पाख्रिन उत्कृष्ट खेलाडी चुनिए । उनले १० हजार रुपैया पाए । दोर्जे शेर्पा र रोशन थिङ उदियमान खेलाडी बने । उनीहरुले आकर्षक गिफ्ट ह्याम्पर पाए । रुपन्देही स्नुकर तथा पुल संघ उत्कृष्ट संघ घोषित भए ।

विजयी खेलाडीहरुलाई राखेपका सदस्यसचिव रमशे कुमार सिलवाल, नेपाल विलियर्ड तथा स्नुकर पल संघका अध्यक्ष सरोज कुमार मुल्मीलगायतले पुरस्कृत गरे ।

नेपाल विलियर्ड तथा स्नुकर पल संघका अध्यक्ष सरोज कुमार मुल्मीले शीर्ष ८ खेलाडीले म्यानमारमा सेप्टेम्वर ९ देखि २५ सम्म आयोजना हुने एसियन वल्र्ड च्याम्पियनसिप प्रतिस्पर्धा गर्ने जानकारी गराए ।

२२ असारबाट शुरु भएको च्याम्पियनसिपमा देशभरबाट करिव १ सय ५० खेलाडीले प्रतिस्पर्धा गरेका थिए ।