काठमाडौं (हाम्रो खेलकुद) – सरस्वती मावि र लक्ष्मीपुर माध्यमिक विद्यालयको रग्वी टोलीले टोखा नगरपालिका स्तरीय प्रथम मेयर कप अन्तर विद्यालय खेलकुद प्रतियोगिता अन्तरगतको रग्वीतर्फको उपाधि जितेका छन् । सरस्वतीले ब्वाइजमा तथा लक्ष्मीपुरले गल्र्समा उपाधि जितेका हुन् ।

टोखास्थित भुतखेल मैदानमा बुधबार भएको ब्वाइजको फाइनल खेलमा सरस्वतीले ओडिसी एकेडेमीमाथि १ को ट्राइमा पराजित गरेको हो । निर्धारित २० मिनेटको खेलको चौथो मिनेटमा सस्वतीका ले १ ट्राइ गरेका थिए । सोही ट्राइ नै सरस्वतीलाई उपाधि जित्न पर्याप्त बन्यो ।

ब्वाइजमा लक्ष्मीपुर माविले तेस्रो स्थान हात पा¥यो । निर्धारित समयमा कुनै ट्राइ नभएपछि सरस्वतीले बल ड्रपका आधारमा अमर स्कुललाई पछि पारेको हो । गल्र्समा लक्ष्मीपुरले बल ड्रपका आधारमा पारामाउन्ट एकेडेमीलाई पछि पार्दै उपाधि जित्न सफल भयो । निर्धारित समयमा कुनै ट्राइ नभएपछि अफिसियलले सरस्वतीलाई ट्राइको आधारमा विजयी घोषणा गरेको हो ।

रग्वीमा निर्धारित समयमा दुवै टोलीबाट कुनै ट्राइ नभए ‘बल ड्रप’ लाई आधार मानेर विजेता घोषणा गरिने प्रावधान छ । सरस्वतीले ओडिसीलाई ३–१ को ट्राइमा पराजित गर्दै तेस्रो स्थान हात पा¥यो । विजयी खेलाडीहरुले शिल्ड, ट्रफी र मेडल हात पा¥यो । विभिन्न ४ विधामा भएको विजेताहलाई बुधबार नै पुरस्कृत गरिएको थियो ।

फुटसलमा दिपज्योति पहिलो, ग्रीनल्यान्ड दोस्रो अमर मावि तेस्रो भएको थियो । मिनि म्यारथनमा लक्ष्मीपुर स्कुलका सुनिल श्रेष्ठ र अंशिका डंगोल पहिलो भएकी थिइन् । २०० मिटर दौड ब्वाइजमा दीपज्योतिका सवन विके पहिलो तथा गल्र्समा सरस्वती स्कुलकी पुर्नि तामाङले पहिलो स्थान हात पारेकी थिइन् ।

१०० मिटर दौड ब्वाइजमा कान्तिपुर स्कुलका रजित मगर पहिलो तथा गल्र्समा मनोहरकी सरिता भण्डारी पहिलो भएका थिए । ब्याडमिन्टनको ब्वाइज एकलमा कान्तिपुर इंग्लिस स्कुलका रोशन पोखरेल र गल्र्स एकलमा दिपज्योति आवासिया माविकी थिम कुमारी अढाई च्याम्पियन बनेकी थिइन् । ब्वाइज डबल्र्समा तिलिङ्गाटारका सन्दीप लोहनी र समि चौधरीको जोडी पहिलो तथा गल्र्समा डबल्र्समा मनोहर माविकी बिना राना र कुशिला राईको जोडी पहिलो भएका थिए ।

विजयी खेलाडहरुलाई रक्षामन्त्री इश्वर पोखरेल, टोखा नगरपालिकाका मेयर प्रकाश अधिकारी, उपमेयर ज्ञानुमाया डंगोल लगायतले पुरस्कृत गरे । टोखा नगरपालिकाको आयोजनामा टोखा नगरका विभिन्न विद्यालयको संयोजनमा अन्तर स्कुल स्तरीय चार विधामा प्रतिस्पर्धा भएको थियो । जसमा फुटसल, दौड, ब्याडमिन्टन र रग्वी खेल समावेश थिए ।

टोखा नगरपालिका स्तरीय मेयर कप विद्यालय खेलकुद प्रतियोगिता गत ६ असारबाट शुरु भएको थियो । प्रतियोगितामा टोखा नगरका विभिन्न ४० भन्दा बढी स्कलले सहभागिता जनाएका थिए ।