काठमाडौं (हाम्रो खेलकुद) – टोखा नगरपालिकाको आयोजनामा प्रथम मेयर कप अन्तर विद्यायलय स्तरीय खेलकुद प्रतियोगिता आजदेखि आयोजना हुने भएको छ ।

विभिन्न विद्यालयको समन्वयमा टोखा नगरले विद्यालयस्तरीय खेलुकद प्रतियोगिता ६ असारदेखि ११ असारसम्म आयोजना गर्न लागेको टोखा नगरका मेयर प्रकाश अधिकारीे जानकारी गराए ।

प्रतियोगितामा पुर्व प्राथमिक विद्यालयदेखि कक्षा १० सम्म विभिन्न चार खेलमा प्रतिस्पर्धा हुनेछ । जसमा फुटसल, दौड, ब्याडमिन्टन र रग्वी रहेका छन् । प्रतियोगितामा टोखा नगरका सामुदायिक तथा संस्थागत करिव ४० विद्यालयको सहभागिता रहने छ ।

पहिलो दिन फुटसलका खेलहरु आयोजना हुनेछ । दोस्रा दिन दौड हुनेछ । जसमा ५ कक्षासम्म १०० मिटर दौडमा छात्र/छात्रा, ५ देखि ८ कक्षासम्म २०० मिटरमा छात्र’छात्रा खुल्लामा मिनि म्याराथनमा छात्र÷छात्रामै प्रतिस्पर्धा हुनेछ । तेस्रो दिन ब्याडमिन्टनमा कक्षा ८–१०, छात्र’छात्रामा प्रतिस्पर्धा हुनेछ ।

चौथो दिन पुर्व प्राथमिक तहका विद्यार्थीहरुबीच विभिन्न खेलमा प्रतिस्पर्धा हुनेछ । अन्तिम दिन ११ गते रग्वीमा छात्र/छात्रामै प्रतिस्पर्धा हुने प्रतियोगिता संयोजक अर्जुन श्रेष्ठले जानकारी गराए । प्रतियोगिताको लागि करिव ७ लाख खर्च हुने आयोजक टोखा नगरपालिकाले जनाएको छ । प्

रतियोगिताको उद्घाटन टोखा नगपालिकाका मेयर प्रकाश अधिकारीले गर्ने कार्यक्रम रहेको छ । प्रतियोगिताको अनुमानित लागत करिव ७ लाख रुपैया रहेको छ । प्रतियोगिताको बिजेताले शिल्ड र मेडल पाउनेछन् ।